2026 jyly Qazaqstanda stýdenttik sport tarihyndaǵy mańyzdy oqiǵa ótýi múmkin. Elimizde stýdentter arasyndaǵy bokstan Álem chempionatyn ótkizý máselesi qarastyrylyp jatyr. Buǵan deiin mundai deńgeidegi doda Qazaqstanda sońǵy ret 2006 jyly ótken. Araǵa týra 20 jyl salyp, álemdik jarystyń qaita oralýy - elimizdiń halyqaralyq sport qaýymdastyǵyndaǵy bedeliniń artqanyn kórsetedi, dep habarlaidy Dalanews.kz
Bul bastamany Halyqaralyq ýniversitetter sporty federatsiiasy (FISU) kóterip otyr. Uiym Qazaqstannyń sońǵy jyldary álemdik deńgeidegi iri sporttyq sharalardy joǵary uiymdastyrýshylyq deńgeide ótkizgenin erekshe atap ótken.
Qairat Zakirianovtyń aitýynsha, Qazaqstanda stýdentter arasyndaǵy bokstan Álem chempionatyn ótkizý týraly bastama - halyqaralyq uiymdardyń elimizge degen zor seniminiń belgisi.
«Bul usynys FISU men ózge de halyqaralyq uiymdardyń Qazaqstanǵa degen joǵary senimin kórsetedi. FISU prezidenti Leonts Eder elimizdiń sporttyq is-sharalardy uiymdastyrýda mol tájiribesi bar ekenin atap ótti. Máselen, 2017 jyly ótken Búkilálemdik qysqy Ýniversiadanyń joǵary deńgeide uiymdastyrylýy - sonyń aiqyn dáleli», - dedi ol.
Chempionatty ótkizý máselesi WORLD Boxing halyqaralyq uiymynyń qoldaýymen talqylanyp jatyr. Aita keteiik, atalǵan uiymdy álem chempiony, qazaqstandyq boksshy Gennadii Golovkin basqarady. Sarapshylardyń aitýynsha, uiymnyń qoldaýy jarystyń halyqaralyq mártebesin arttyryp, álemniń úzdik jas boksshylarynyń qyzyǵýshylyǵyn kúsheitedi.
Eger sheshim oń qabyldansa, Qazaqstan 2026 jyly álemdik stýdenttik sporttyń basty ortalyqtarynyń birine ainalýy yqtimal.
