2026 جىلى قازاقستاندا ستۋدەنتتٸك سپورت تاريحىنداعى ماڭىزدى وقيعا ٶتۋٸ مٷمكٸن. ەلٸمٸزدە ستۋدەنتتەر اراسىنداعى بوكستان ەلەم چەمپيوناتىن ٶتكٸزۋ مەسەلەسٸ قاراستىرىلىپ جاتىر. بۇعان دەيٸن مۇنداي دەڭگەيدەگٸ دودا قازاقستاندا سوڭعى رەت 2006 جىلى ٶتكەن. اراعا تۋرا 20 جىل سالىپ, ەلەمدٸك جارىستىڭ قايتا ورالۋى - ەلٸمٸزدٸڭ حالىقارالىق سپورت قاۋىمداستىعىنداعى بەدەلٸنٸڭ ارتقانىن كٶرسەتەدٸ, دەپ حابارلايدى Dalanews.kz
بۇل باستامانى حالىقارالىق ۋنيۆەرسيتەتتەر سپورتى فەدەراتسيياسى (FISU) كٶتەرٸپ وتىر. ۇيىم قازاقستاننىڭ سوڭعى جىلدارى ەلەمدٸك دەڭگەيدەگٸ ٸرٸ سپورتتىق شارالاردى جوعارى ۇيىمداستىرۋشىلىق دەڭگەيدە ٶتكٸزگەنٸن ەرەكشە اتاپ ٶتكەن.
قايرات زاكيريانوۆتىڭ ايتۋىنشا, قازاقستاندا ستۋدەنتتەر اراسىنداعى بوكستان ەلەم چەمپيوناتىن ٶتكٸزۋ تۋرالى باستاما - حالىقارالىق ۇيىمداردىڭ ەلٸمٸزگە دەگەن زور سەنٸمٸنٸڭ بەلگٸسٸ.
«بۇل ۇسىنىس FISU مەن ٶزگە دە حالىقارالىق ۇيىمداردىڭ قازاقستانعا دەگەن جوعارى سەنٸمٸن كٶرسەتەدٸ. FISU پرەزيدەنتٸ لەونتس ەدەر ەلٸمٸزدٸڭ سپورتتىق ٸس-شارالاردى ۇيىمداستىرۋدا مول تەجٸريبەسٸ بار ەكەنٸن اتاپ ٶتتٸ. مەسەلەن, 2017 جىلى ٶتكەن بٷكٸلەلەمدٸك قىسقى ۋنيۆەرسيادانىڭ جوعارى دەڭگەيدە ۇيىمداستىرىلۋى - سونىڭ ايقىن دەلەلٸ», - دەدٸ ول.
چەمپيوناتتى ٶتكٸزۋ مەسەلەسٸ WORLD Boxing حالىقارالىق ۇيىمىنىڭ قولداۋىمەن تالقىلانىپ جاتىر. ايتا كەتەيٸك, اتالعان ۇيىمدى ەلەم چەمپيونى, قازاقستاندىق بوكسشى گەنناديي گولوۆكين باسقارادى. ساراپشىلاردىڭ ايتۋىنشا, ۇيىمنىڭ قولداۋى جارىستىڭ حالىقارالىق مەرتەبەسٸن ارتتىرىپ, ەلەمنٸڭ ٷزدٸك جاس بوكسشىلارىنىڭ قىزىعۋشىلىعىن كٷشەيتەدٸ.
ەگەر شەشٸم وڭ قابىلدانسا, قازاقستان 2026 جىلى ەلەمدٸك ستۋدەنتتٸك سپورتتىڭ باستى ورتالىقتارىنىڭ بٸرٸنە اينالۋى ىقتيمال.
