Mańǵystaý oblysy ákiminiń orynbasary Tilegen Ábishev Instagram paraqshasynda óńir basshysy Nurdáýlet Qilybaidyń Aqtaý turǵyndaryn jeke qabyldaýy tańǵy 06:15-ke deiin jalǵasqanyn kórsetti, dep habarlaidy Dalanews.kz.
Jelide jariialanǵan videoda azamattarmen jeke júzdesý tún ortasy aýǵansha toqtamai ótkenin kórýge bolady. Turǵyndar túrli áleýmettik, infraqurylymdyq jáne turmystyq máselelerin kótergen.
Eske salaiyq, 5 jeltoqsan kúni kúndiz oblys ákimi Nurdáýlet Qilybai men qala ákimi Ábilqaiyr Baipaqov Aqtaý qalasynyń turǵyndarymen kezdesip, qalanyń áleýmettik-ekonomikalyq damýy týraly esep berdi. Turǵyndar jumyspen qamtý, densaýlyq saqtaý, kásipkerlik jáne áleýmettik máselelerdi kóterdi. Óńir basshysy barlyq saýal kezeń-kezeńimen sheshiletinin aityp, tiisti basqarmalarǵa tapsyrma berdi.
