Маңғыстау облысы әкімінің орынбасары Тілеген Әбішев Instagram парақшасында өңір басшысы Нұрдәулет Қилыбайдың Ақтау тұрғындарын жеке қабылдауы таңғы 06:15-ке дейін жалғасқанын көрсетті, деп хабарлайды Dalanews.kz.
Желіде жарияланған видеода азаматтармен жеке жүздесу түн ортасы ауғанша тоқтамай өткенін көруге болады. Тұрғындар түрлі әлеуметтік, инфрақұрылымдық және тұрмыстық мәселелерін көтерген.
Еске салайық, 5 желтоқсан күні күндіз облыс әкімі Нұрдәулет Қилыбай мен қала әкімі Әбілқайыр Байпақов Ақтау қаласының тұрғындарымен кездесіп, қаланың әлеуметтік-экономикалық дамуы туралы есеп берді. Тұрғындар жұмыспен қамту, денсаулық сақтау, кәсіпкерлік және әлеуметтік мәселелерді көтерді. Өңір басшысы барлық сауал кезең-кезеңімен шешілетінін айтып, тиісті басқармаларға тапсырма берді.
