Politsiia azamattarǵa mańyzdy eskertý jasady, dep habarlaidy Dalanews.kz.
Domofon qyzmetterine bailanysty jańa alaiaqtyq ádis paida bolǵan. Beitanys adamdar azamattarǵa qońyraý shalyp, ózin domofonǵa tehnikalyq qyzmet kórsetetin kompaniia qyzmetkeri retinde tanystyrady.
Artynsha alaiaqtar "qosymsha kiltter jasaý" nemese "kiltsiz kirý qyzmetin qosý" siiaqty jalǵan qyzmetter usynady.
Ol úshin kireberis esikti kiltsiz ashýǵa múmkindik beretin alty tańbaly "jeke kod" jiberetinin aitady. Olar ár páterdiń jeke kody bolatynyn jáne bul jańa, resmi qyzmet ekenin alǵa tartady.
Ishki ister ministrligi málimetinshe, shyn máninde mundai servis múldem joq. Azamattyń kelisimin alǵan soń alaiaqtar jeke derek jinaýǵa kirisedi.
Quzyrly organdar turǵyndardy barynsha saq bolýǵa jáne mundai qońyraýlarǵa senbeýge shaqyrdy.
