2014 jyldyń sońynda QazUÝ-dyń qaýipsizdik qyzmeti men aýdıtorlyq tekseris nátıjesinde alaıaqtyq jáne stýdentterdiń býhgalterıa mamandary – S. Jekenova, D.Tursynbekova, B. Nurlanmen kelisý arqyly oqý aqysyn tóleýden jaltarý faktisi anyqtaldy. Bul fakti boıynsha materıaldar tolyǵymen tez arada quqyq qorǵaý organdaryna joldandy.
Burynǵy QazUÝ basshylyǵy kezinde jumysqa qabyldanǵan olar 2008 jyldan bastap aqshalaı qarajattardy ıemdenýge baılanysty zańsyz alaıaqtyq áreketin iske asyryp kelgen. S.Jekenova zańsyz áreketterdiń bastamashysy. Ol alǵashynda qarjy-sharýashylyq qyzmet boıynsha burynǵy prorektor S. Shaıahmetovtiń qabyldaý bólmesinde jumys istep, keıin onyń aýystyrýymen býhgalterıada qyzmet atqarǵan.
QazUÝ-da qolma-qol aqshalaı tólem jasaýǵa qatań tyıym salynǵanyna qaramastan, joǵaryda kórsetilgen býhgalterıa qyzmetkerleri ońaı olja tabý maqsatymen tanys, dos jáne týǵan-týys qataryndaǵy stýdentterge oqý aqysy boıynsha zańsyz jeńildik alýdy usynǵan.
Olar stýdentterden qolma-qol aqshalaı qarajat alyp, sosyn ıemdenip otyrǵan. Ózderiniń zańsyz áreketin jasyrý maqsatynda olar býhgalterıanyń elektrondy bazasyna ruqsaty bolǵandyqtan, ózara kelisimde bola otyryp, ótken merzimmen stýdentterdiń oqý aqysy tólengeni týraly esepterge ótirik aqparat engizip otyrǵan.
[caption id="attachment_11405" align="alignleft" width="249"]
Ásel Qydyrbaı [/caption]
Sondaı-aq qarjy urlaý alaıaqtyq shemasyn júzege asyrýǵa stýdent Ásel Qydyrbaıdyń qatysy bary anyqtaldy. Ýnıversıtette «Qazmunaıgaz» granty boıynsha bilim ala otyryp, ol paıdakúnemdik maqsatta ýnıversıtet býhgalterıasynyń mamany B.Nurlanmen kelisimge kelip, ártúrli bankte eki jeke shot ashqan. Sosyn osy esepshottarǵa «Qazmunaıgazdan» oqý úshin túsken qarjy zańsyz aýdarylyp otyrǵan.
Aqshalaı qarjyny Ásel Qydyrbaı jeke esepshotynan sheship otyrǵandyqtan, ol alaıaqtyq áreket pen aqshalaı qarjy urlaýǵa qatysýshy retinde kúdiktenedi. Sondaı-aq ol basqa stýdentterden aqsha jınaýdy uıymdastyrdy jáne ony B. Nurlanmen birge ıemdendi degen kúdik bar.
Á.Qydyrbaı banktik shottardan aqshalaı qarajat alǵanyn moıyndaı otyryp, ýnıversıtet ákimshiliginen birneshe ret urlanǵan somany qalpyna keltirý jáne qaıtarý úshin ýaqyt berýdi jáne memlekettik emtıhandardy tapsyryp, dıplom jumysyn qorǵaýǵa múmkindik berýdi ótindi.
Ýnıversıtet ákimshiliginiń onyń urlanǵan somany qaıtarý merzimin sozý týraly ótinishin oryndaǵanyna qaramastan, Qydyrbaı óz mindetterin oryndaǵan joq.
BAQ-ta shýly maqala jarıalaý men bopsalaý, qoqan-loqqy jasaý arqyly ýnıversıtet bitirgeni týraly dıplomdy talap ete bastady.
Qazirgi tańda burynǵy býhgalterıa mamandaryna qatysty qylmystyq is qozǵalyp, tergeý júrgizilip jatyr. Halyqaralyq qatynastar fakúltetiniń 4-kýrs stýdenti Á.Qydyrbaıǵa qatysty sotqa deıingi tekseris júrgizilýde.
BAQ-ta keltirilgen qaryz stýdentter sany shyndyqqa sáıkes kelmeıdi. Búgingi tańda stýdentter oqý úshin qaryzdaryn tolyqtaı ótedi. Oqý úshin qaryzy bar 10-nan aspaıtyn stýdent jýyq arada qaryzdy óteý týraly jazbasha mindetteme berdi.
Ál-Farabı atyndaǵy QazUÝ-dyń Baspasóz qyzmeti
