Qazaqstandyqtar Ónerkásip jáne qurylys ministrligine «Halyq tabysy óssin! Ónerkásip damysyn!» degen petitsiia joldady.
Petitsiiada ekonomikanyń munai men resýrstarǵa táýeldiligin azaitý úshin elde kóbirek jańa kásiporyndar ashýǵa shaqyrady.
«Jańa zaýyttar men fabrikalar ashylsa, azamattarymyzǵa myńdaǵan jumys orny ashylady. Qazaqstandyqtar otandyq azyq-túlik, úi, avtokólik, dári-dármek alady. Ishki naryqty óz taýarymyzǵa toltyrady», — delingen mátininde.
Jergilikti óndiris damysa ár otbasynyń tabysy artyp, jaqsy jalaqy tólenip, ómir sapasy artady deidi.
«Ár óndiris — artynda bala-shaǵasy turǵan adamdardan jinalǵan ásker. Jergilikti óndiris kásipkerlik pen innovatsiialarǵa jańa múmkindikter ashady. Sol arqyly ekonomikanyń jańa sektorlary damidy. Ony úkimet qoldaýy kerek. Jergilikti taýar men materialdardy yntalandyrý arqyly halyqqa qaýipsiz ári ekologiialyq taza orta qalyptasady. Jańa tehnologiialardy ishki naryqty qaýipti ónimderden qorǵap qoldaýǵa bolady», — delingen qujatta.
Qazirgi ýaqytta memleket ózin aýyl sharýashylyq ónimderimen tolyq qamtamasyz ete almai otyr dep jazyp jatyr jumysshylar.
«Sút, et ónimderi, farmatsevtika, metallýrgiia, mashina qurastyrý syndy salalarda import úlesi kóp bolsa da, ósý áleýeti mol. Osy sektorlardy damytý arqyly biz sapaly, qaýipsiz ónimdermen qamtylyp, elimizdiń egemendigin arttyryp, ár azamattyń ómir sapasyn jaqsartady. Protektsionizm syndy qatań sharalar engizip, otandyq biznesti qoldaý — damyǵan álemdik derjavalardyń jemisin kórsetken ári keń taralǵan tájiribe. Áldekimderdiń bas-paidasy úshin ekonomikalyq táýeldiligin eshkim bere qoimaidy. Aqsha el ishinde qalýy kerek!» – dep jazǵan.
Sondai-aq, qujatta úkimetke kóleńkeli importtyq taýarlardy kirgizýge kedergini kúsheitip, otandyq óndiristi qoldaý sharalaryn arttyrý keregi aitylǵan. Petitsiia resmi saitta 25 mamyrda jariialanǵan. Qazirgi tańda 9 myńnan astam adam qoldap, qol qoiǵan.
