Qazaqstanda stalking úshin qylmystyq jaýapkershilikti kózdeitin jańa zań kúshine engennen keiin eki qylmystyq is qozǵaldy, dep habarlaidy Dalanews.kz
16 qyrkúiekten bastap Qazaqstanda stalkinge (qýdalaý, mazalaý) qatysty qylmystyq jaýapkershilik engizilgeni belgili.
-Zań kúshine engennen beri Atyraý jáne Pavlodar oblystarynda eki qylmystyq is tirkeldi. Qazirgi ýaqytta tergeý amaldary júrgizilýde. Bul- azamattardyń ótinishi negizinde qozǵalǵan ister,- dedi QR Ishki ister ministri Erjan Sadenov.
Aita keteiik, Qazaqstan zańnamasynda alǵash ret mundai áreketter úshin qylmystyq jaza qarastyrylyp otyr. Jaza retinde 200 ailyq eseptik kórsetkishke (AEK) deiin aiyppul salý, 200 saǵatqa deiin qoǵamdyq jumystarǵa tartý nemese 50 táýlikke deiin qamaýǵa alý kózdelgen.
Eger stalking áreketteri kúsh kórsetý, qorqytý, bopsalaý nemese jeke ómirge qolsuǵýshylyqpen qatar júrse, bul is- áreketter Qylmystyq kodekstiń basqa da baptary boiynsha qosymsha saralanady.
