Májilis kýlýarynda jýrnalister Qarjylyq monitoring agenttigi tóraǵasynyń orynbasary Jeńis Elemesovke Bishimbaevtar otbasynyń aktivterine qatysty suraq qoidy, - dep habarlaidy Dalanews.kz.
Olar agenttik Qýandyq Bishimbaevtyń otbasynyń aktivterin tekserý týraly petitsiiaǵa qanshalyq nazar aýdaratynyn surady.
"Jaraidy, mindetti túrde nazar aýdaramyz. (...) Petitsiianyń nátijelerin kútip, bir jaǵynan bul máseleni qarastyramyz. Buǵan mindetti túrde nazar aýdaramyz. Ýaiymdamańyzdar, sizderge mindetti túrde habarlaimyz", - dedi agenttik ókili.
Onyń aitýynsha, búgingi tańda Qarjylyq monitoring agenttigi Bishimbaevtar otbasyna qatysty isterdi tergep jatqan joq.
"Bizde tirkelgen qylmystyq ister joq. Biraq zańsyz satyp alynǵan qylmystyq kirister boiynsha tekseristerdi turaqty júrgizemiz. Bul jumystar bizde, eger qylmystyq jolmen alynǵan jáne zańdastyrylǵan qandai da bir zańsyz kirister shyqsa, biz olardy mindetti túrde qylmystyq jaýapkershilikke tartamyz", - dedi Elemesov.
Aita keteiik, buǵan deiin basylymdar Bishimbaevtarǵa qatysty aktivterdi zerttegen edi. Ýálihan Bishimbaevtyń atyna eshqandai biznes tirkelmegen bolyp shyqty.
"Bul áýlettiń kásibin eks-ministrdiń anasy Álmira Nurlybekova basqarady. Onyń atynda resmi 6 kompaniia bar", - dep jazdy basylymdardyń biri.
Al "EZy Park" jaýapkershiligi shekteýli seriktestigi Astana qalasy boiynsha tirkeý basqarmasynan 2019 jyly 23 jeltoqsanda alǵash ret, keiin 2024 jyly 14 naýryzda qaita tirkeýden ótken. Direktory – Ibraev Kanat Bolatbekovich. Quryltaishylary –Madiev Serjan Nýrahanovich; Ahmetjanov Azamat Birlesovich, Abdýllin Tasbolat Amanjolovich, Malik Kairat Kamilýly, Ospanov Alii Maratovich. Quryltaishylarynyń arasynda eks-ministrdiń anasy bolǵan. Biraq BAQ-taǵy keibir málimetterge qaraǵanda Saltanat Núkenovanyń óliminen keiin Nurlybekova Álmira quryltai músheliginen shyǵyp ketken. Mekenjaiy – Astana qalasy, Dostyq kóshesi, 16 P. Kásiporynnyń 2023 jylǵy aqsha ainalymy 1 903 723 010 teńge. Tólegen salyǵy – 38 851 890 teńge. Memleketten alǵan kelisimsharttary kezdespeidi. Dál osy JShS-ǵa tiesili "Gastrotsentrde" Saltanat Núkenova qaza tapqan BAU meiramhanasy ornalasqan.
