Májilis depýtaty Baqytjan Bazarbek Ishki ister ministrligindegi tártip buzýshylyqtar men sybailas jemqorlyq derekterine nazar aýdardy. Bul týraly ol qoǵamdyq qaýipsizdik máselelerine arnalǵan úkimettik saǵatta aitty, dep habarlaidy Dalanews.kz.
Depýtattyń aitýynsha, ýchaskelik inspektorlar arasynda zań buzǵandar az emes. Ol mysal retinde birneshe óńirdegi jaǵdaidy keltirdi.
«Mysaly, Aqtóbede ýchaskelik bir million teńge talap etken. Soltústik Qazaqstan oblysynda bir ýchaskelik alaiaqtyq úshin sottalǵan. Jetisý oblysynda politsei 24 million teńge turatyn zattai aiǵaqtardy urlaǵan. Al Shymkentte ýchaskelik aqsha alyp, bodi-massaj salonyn «qorǵaǵan». Osyndai jaǵdailardyń sebebi nede jáne ministrlik mundai faktilerdiń aldyn alý úshin ne istep jatyr?» – dep surady Bazarbek.
Ishki ister ministri Erjan Sádenov depýtattyń synyna jaýap berip, ýchaskelik inspektorlar arasynda zań buzýshylyqtar bar ekenin moiyndady.
«Mundai derekter rasymen bar. Biz bul baǵytta sharalar qabyldap jatyrmyz. Qazir kadrlyq jumys kúsheitildi, sondai-aq Ishki qaýipsizdik departamentiniń qyzmeti qaita quryldy», – dedi ministr.
Sádenov sonymen qatar, árbir politsiia qyzmetkeri antyna adal bolýǵa tiis ekenin atap ótti.
