Pavlodar oblysy ákiminiń eks-orynbasary jańa qyzmetke taǵaıyndaldy

Qarakóz Amantaı 27 mam. 2024 11:37 1555

Aızada Qurmanova Qazaqstan Respýblıkasynyń Mádenıet jáne aqparat vıse-mınıstri bolyp taǵaıyndaldy, dep habarlaıdy Dalanews.kz.

"Qazaqstan Respýblıkasy Úkimetiniń qaýlysymen Aızada Amangeldiqyzy Qurmanova Mádenıet jáne aqparat vıse-mınıstri qyzmetine taǵaıyndaldy", - delingen Qazaqstan Respýblıkasy Úkimetiniń habarlamasynda.

Aızada Qurmanova 1970 jyly Pavlodar oblysynda dúnıege kelgen. Pavlodar pedagogıkalyq ınstıtýtyn, Inovasıalyq Eýrazıa ýnıversıtetin bitirgen.

Eńbek jolyn 1992 jyly Pavlodar oblysy Maı aýdany orta mektebinde muǵalim bolyp bastaǵan. Ár jyldary oqý bóliminiń meńgerýshisi, orta mektep dırektory bolyp jumys istegen.

2002-2007 jyldary Ekibastuz qalasy ákimdiginiń ishki saıasat bóliminiń basshysy;

2007-2009 jyldary Ekibastuz qalasy ákiminiń orynbasary;

2009-2011 jyldary Pavlodar oblysy ishki saıasat basqarmasynyń basshysy;

2011-2014 jyldary Pavlodar oblysy Lebáji aýdanynyń ákimi;

2014-2016 jyldary «Nur Otan» partıasy Pavlodar oblystyq fılıaly tóraǵasynyń birinshi orynbasary;

2016-2020 jyldary VI saılanǵan QR Parlamenti Májilisiniń depýtaty boldy.

2020 jyldan bastap qazirgi ýaqytqa deıin Pavlodar oblysy ákiminiń orynbasary qyzmetin atqarǵan.

 


Usynylǵan
Sońǵy jańalyqtar