Batys Qazaqstan oblysynyń Oral qalasynda marshrýttyq avtobýs órtenip, jalyn aialdama shatyryna taraǵan, dep habarlaidy dalanews.kz.
Oqiǵa Zachagansk kentinde Jumaǵaliev kóshesiniń boiynda bolǵan. Avtobýs aialdama mańynda turǵan kezde órt shyqqan.
Oqiǵa ornyna kelgen órt sóndirýshiler avtobýstyń ashyq jalynmen janyp jatqanyn anyqtaǵan. Órt aialdamamen birge ornalasqan dúkenniń shatyryna da taraǵan.
Órttiń jalpy aýmaǵy shamamen 6 sharshy metrdi quraǵan.
Tótenshe jaǵdailar ministrligi bólimsheleriniń kúshimen órt tolyq sóndirildi. Oqiǵa saldarynan zardap shekkender joq.
