Sátbaev ýniversiteti Germaniianyń úsh qoldanbaly ǵylymdar ýniversitetimen ózara kelisimderge qol qoidy. Qujattar mashina jasaý salasynda qos diplom berýdi, akademiialyq almasýdy, taǵylymdamadan ótýdi, sondai-aq injeneriia, tsifrlandyrý, energetika, avtomattandyrý jáne jańa materialdar baǵyttarynda birlesken zertteýler júrgizý jumystaryn kózdeidi, dep habarlaidy dalanews.kz.
Kelisimder Qazaqstan Prezidenti Qasym-Jomart Toqaevtyń Germaniiaǵa barǵan memlekettik sapary aiasynda Qazaqstan-Germaniia joǵary oqý oryndary rektorlarynyń kezdesýiniń qorytyndysy boiynsha jasaldy. Sátbaev ýniversitetiniń rektory Meiram Begentaev osy atalǵan kezdesýge úkimettik delegatsiia quramynda qatysty.
QR Ǵylym jáne joǵary bilim ministri Saiasat Nurbek bastaǵan qazaqstandyq joǵary oqý oryndary delegatsiiasynyń quramynda Sátbaev ýniversitetiniń rektory Meiram Begentaev atalǵan kezdesýge qatysty.
Hof University of Applied Sciences: qos diplom
Ýniversitet praktikalyq baǵytta bilim berýge, kompiýterlik ǵylymdarǵa, robototehnika men tsifrlyq tehnologiialarǵa mamandanǵan. Mashina jasaý salasy boiynsha birlesken baǵdarlama stýdentterge eki ýniversitettiń diplomyn alýǵa, oqý baǵdarlamasynyń bir bóligin Germaniiada oqyp, sol jerde tájiribeden ótýge múmkindik beredi.
Mittweida University of Applied Sciences: injenerlik tehnologiialar
Memorandým avtomattandyrý, robototehnika, tsifrlyq óndiris, lazerlik tehnologiialar jáne jańa materialdar baǵyttaryn qamtidy. Ýniversitettiń qoldanbaly zertteýler júrgizý bazasy óte myqty jáne ónerkásip oryndarymen tyǵyz bailanys jasaidy. Stýdentter men jas zertteýshiler akademiialyq almasý baǵdarlamalaryna, birlesken jobalarǵa jáne ǵylymi taǵylymdamalarǵa qatysa alady.
Zittau/Görlitz University of Applied Sciences: energetika jáne turaqty tehnologiialar
Ózara seriktestik bailanys energetika, materialtaný, avtomattandyrý jáne ekologiialyq tehnologiialar baǵyttaryn qamtidy. Ýniversitet ónerkásiptik seriktesterimen birlesip qoldanbaly zertteýler júrgizedi. Bul stýdentterge halyqaralyq taǵylymdamalardan ótip, praktikalyq tájiribe jinaýǵa múmkindik beredi.
«Halyqaralyq yntymaqtastyq qarym-qatynas qujattarǵa ózara qol qoiýmen ǵana shektelmeýi tiis, bul biz úshin óte mańyzdy. Eń basty nátije — stýdentter men oqytýshylar úshin naqty múmkindikterdiń qalyptasýy: iaǵni shetelde bilim alý, birlesken zertteýlerge qatysý, zamanaýi tehnologiialarǵa qol jetkizý jáne praktikalyq tájiribe jinaqtaý. Nemis ýniversitetterimen seriktestik qarym-qatynas osyndai múmkindikterdi júieli túrde keńeitip, olardy Qazaqstan ekonomikasynyń qajettilikterimen ushtastyrýǵa múmkindik beredi», – dedi Meiram Begentaev.
Sátbaev ýniversiteti – Qazaqstandaǵy eń kóne tehnikalyq joǵary oqý orny, ol 1934 jyly Almaty qalasynda qurylǵan. Ýniversitet taý-ken metallýrgiiasy, munai-gaz, IT jáne energetika salalary úshin qajetti injenerlerdi daiarlaidy.
