سەتباەۆ ۋنيۆەرسيتەتٸ گەرمانييانىڭ ٷش قولدانبالى عىلىمدار ۋنيۆەرسيتەتٸمەن ٶزارا كەلٸسٸمدەرگە قول قويدى. قۇجاتتار ماشينا جاساۋ سالاسىندا قوس ديپلوم بەرۋدٸ, اكادەمييالىق الماسۋدى, تاعىلىمدامادان ٶتۋدٸ, سونداي-اق ينجەنەرييا, تسيفرلاندىرۋ, ەنەرگەتيكا, اۆتوماتتاندىرۋ جەنە جاڭا ماتەريالدار باعىتتارىندا بٸرلەسكەن زەرتتەۋلەر جٷرگٸزۋ جۇمىستارىن كٶزدەيدٸ, دەپ حابارلايدى dalanews.kz.
كەلٸسٸمدەر قازاقستان پرەزيدەنتٸ قاسىم-جومارت توقاەۆتىڭ گەرمانيياعا بارعان مەملەكەتتٸك ساپارى اياسىندا قازاقستان-گەرمانييا جوعارى وقۋ ورىندارى رەكتورلارىنىڭ كەزدەسۋٸنٸڭ قورىتىندىسى بويىنشا جاسالدى. سەتباەۆ ۋنيۆەرسيتەتٸنٸڭ رەكتورى مەيرام بەگەنتاەۆ وسى اتالعان كەزدەسۋگە ٷكٸمەتتٸك دەلەگاتسييا قۇرامىندا قاتىستى.
قر عىلىم جەنە جوعارى بٸلٸم مينيسترٸ ساياسات نۇربەك باستاعان قازاقستاندىق جوعارى وقۋ ورىندارى دەلەگاتسيياسىنىڭ قۇرامىندا سەتباەۆ ۋنيۆەرسيتەتٸنٸڭ رەكتورى مەيرام بەگەنتاەۆ اتالعان كەزدەسۋگە قاتىستى.
Hof University of Applied Sciences: قوس ديپلوم
ۋنيۆەرسيتەت پراكتيكالىق باعىتتا بٸلٸم بەرۋگە, كومپيۋتەرلٸك عىلىمدارعا, روبوتوتەحنيكا مەن تسيفرلىق تەحنولوگييالارعا ماماندانعان. ماشينا جاساۋ سالاسى بويىنشا بٸرلەسكەن باعدارلاما ستۋدەنتتەرگە ەكٸ ۋنيۆەرسيتەتتٸڭ ديپلومىن الۋعا, وقۋ باعدارلاماسىنىڭ بٸر بٶلٸگٸن گەرمانييادا وقىپ, سول جەردە تەجٸريبەدەن ٶتۋگە مٷمكٸندٸك بەرەدٸ.
Mittweida University of Applied Sciences: ينجەنەرلٸك تەحنولوگييالار
مەموراندۋم اۆتوماتتاندىرۋ, روبوتوتەحنيكا, تسيفرلىق ٶندٸرٸس, لازەرلٸك تەحنولوگييالار جەنە جاڭا ماتەريالدار باعىتتارىن قامتيدى. ۋنيۆەرسيتەتتٸڭ قولدانبالى زەرتتەۋلەر جٷرگٸزۋ بازاسى ٶتە مىقتى جەنە ٶنەركەسٸپ ورىندارىمەن تىعىز بايلانىس جاسايدى. ستۋدەنتتەر مەن جاس زەرتتەۋشٸلەر اكادەمييالىق الماسۋ باعدارلامالارىنا, بٸرلەسكەن جوبالارعا جەنە عىلىمي تاعىلىمدامالارعا قاتىسا الادى.
Zittau/Görlitz University of Applied Sciences: ەنەرگەتيكا جەنە تۇراقتى تەحنولوگييالار
ٶزارا سەرٸكتەستٸك بايلانىس ەنەرگەتيكا, ماتەريالتانۋ, اۆتوماتتاندىرۋ جەنە ەكولوگييالىق تەحنولوگييالار باعىتتارىن قامتيدى. ۋنيۆەرسيتەت ٶنەركەسٸپتٸك سەرٸكتەستەرٸمەن بٸرلەسٸپ قولدانبالى زەرتتەۋلەر جٷرگٸزەدٸ. بۇل ستۋدەنتتەرگە حالىقارالىق تاعىلىمدامالاردان ٶتٸپ, پراكتيكالىق تەجٸريبە جيناۋعا مٷمكٸندٸك بەرەدٸ.
«حالىقارالىق ىنتىماقتاستىق قارىم-قاتىناس قۇجاتتارعا ٶزارا قول قويۋمەن عانا شەكتەلمەۋٸ تيٸس, بۇل بٸز ٷشٸن ٶتە ماڭىزدى. ەڭ باستى نەتيجە — ستۋدەنتتەر مەن وقىتۋشىلار ٷشٸن ناقتى مٷمكٸندٸكتەردٸڭ قالىپتاسۋى: ياعني شەتەلدە بٸلٸم الۋ, بٸرلەسكەن زەرتتەۋلەرگە قاتىسۋ, زاماناۋي تەحنولوگييالارعا قول جەتكٸزۋ جەنە پراكتيكالىق تەجٸريبە جيناقتاۋ. نەمٸس ۋنيۆەرسيتەتتەرٸمەن سەرٸكتەستٸك قارىم-قاتىناس وسىنداي مٷمكٸندٸكتەردٸ جٷيەلٸ تٷردە كەڭەيتٸپ, ولاردى قازاقستان ەكونوميكاسىنىڭ قاجەتتٸلٸكتەرٸمەن ۇشتاستىرۋعا مٷمكٸندٸك بەرەدٸ», – دەدٸ مەيرام بەگەنتاەۆ.
سەتباەۆ ۋنيۆەرسيتەتٸ – قازاقستانداعى ەڭ كٶنە تەحنيكالىق جوعارى وقۋ ورنى, ول 1934 جىلى الماتى قالاسىندا قۇرىلعان. ۋنيۆەرسيتەت تاۋ-كەن مەتاللۋرگيياسى, مۇناي-گاز, IT جەنە ەنەرگەتيكا سالالارى ٷشٸن قاجەتتٸ ينجەنەرلەردٸ دايارلايدى.
