«Alatau City Authority» arnaýly basqarý uiymynyń delegatsiiasy Qazaqstan Respýblikasy Prezidenti Qasym-Jomart Toqaevtyń Germaniia Federativtik Respýblikasyna resmi saparynyń iskerlik baǵdarlamasyna qatysýda. Sapar 28–30 qyrkúiekte Berlin men Miýnhende ótedi, dep habarlaidy dalanews.kz.
Alatau City Authority kún tártibiniń ortalyǵynda Germaniiadan investitsiialar men tehnologiialardy tartý, Alatau City-diń ónerkásiptik, injenerlik jáne kóliktik-logistikalyq infraqurylymyn damytý, sondai-aq jetekshi nemis kompaniialarymen uzaq merzimdi áriptestik qalyptastyrý tur.
Berlinde Alatau City Authority ókilderi jetekshi germaniialyq iskerlik qaýymdastyqtar men qarjy institýttarynyń basshylarymen kezdesýlerge, sondai-aq Qazaqstan-Germaniia biznes-forýmyna qatysýda. Iskerlik baǵdarlama aiasynda Alatau City-de birlesken jobalardy iske asyrý boiynsha nemis kompaniialarymen jekelegen kelissózder ótýde.
Kelissózderdiń basty baǵyttarynyń biri – sorǵy jabdyqtary men sý sharýashylyǵyna, injenerlik infraqurylymǵa jáne ónerkásipke arnalǵan júielerdi álemdik óndirýshilerdiń biri WILO SE kompaniiasymen yntymaqtastyq ornatý. Taraptar Alatau City aýmaǵynda óndiristi odan ári oqshaýlaý, tehnikalyq qyzmet kórsetý jáne Qazaqstan men Ortalyq Aziia úshin mamandar daiarlaý múmkindigi bar óńirlik servistik jáne injenerlik ortalyq qurý máselesin talqylaýda.
Kólik jáne logistika salasynda Alatau City Authority Rhenus Group-pen ózara is-qimyldy damytýda. Yntymaqtastyq Alatau City-diń qoima jáne logistikalyq infraqurylymyn damytýdy, taratý ortalyǵyn qurýdy jáne qala rezidentteri men Almaty aglomeratsiiasynyń kásiporyndary úshin logistikalyq qyzmetterdi keńeitýdi qamtidy. Taraptar sondai-aq Alatau City-diń logistikalyq infraqurylymyn Rhenus-tyń Baiserke stantsiiasyndaǵy intermodaldy terminalymen jáne halyqaralyq kólik marshrýttarymen integratsiialaý múmkindikterin qarastyrýda.
Kelissózder barysynda germaniialyq injenerlik jáne tehnologiialyq quzyretterdi tartýǵa, sondai-aq jobalardy qarjylandyrýdyń jańa quraldaryna erekshe nazar aýdarylady. Alatau City Authority germaniialyq jáne eýropalyq áriptestermen ónerkásip, injenerlik infraqurylym, logistika, tsifrlyq tehnologiialar jáne qarjylandyrý salalaryndaǵy yntymaqtastyqty talqylaýda.
«Germaniia ónerkásip, injeneriia, logistika jáne infraqurylymdyq tehnologiialar salalarynda myqty quzyretterge ie. Alatau City úshin óndiristi oqshaýlaýdy, tehnologiialar men quzyretter transferin, jańa óndirister qurýdy jáne mamandar daiarlaýdy kózdeitin uzaq merzimdi áriptestik qalyptastyrý mańyzdy. Nemis kompaniialarynyń Alatau City-di Qazaqstanda biznesti damytý jáne Ortalyq Aziia naryǵyna shyǵý alańy retinde qarastyrýy biz úshin mańyzdy», – dep atap ótti Alatau City Authority-diń bas atqarýshy direktory Álisher Ábdiqadyrov.
Qazaqstan-Germaniia biznes-forýmy aiasynda Alatau City Authority germaniialyq kompaniialarmen yntymaqtastyq týraly alty memorandýmǵa qol qoidy. Ýaǵdalastyqtar Wilo servistik ortalyǵyn qurý, Rhenus-pen birlesip logistikalyq infraqurylymdy damytý, D.A.R. Metall AG-men turmystyq jáne ónerkásiptik qaldyqtardy qaita óńdeý, SBP-Management-pen densaýlyq saqtaý salasynda mamandar daiarlaý, Schlaich Bergermann Partner (SBP)-men kún energetikasy, qurylys jáne jobalaý sheshimderin saraptama júrgizý salasyndaǵy yntymaqtastyq, sondai-aq KazPetFood pen Wagner Feedmill & Silo Plants arasyndaǵy úi janýarlaryna arnalǵan jem shyǵaratyn zaýytqa jabdyq jetkizý jónindegi ózara is-qimyldy kózdeidi.
Iskerlik baǵdarlama barysynda Rhenus, Wilo jáne D.A.R. Metall AG ókilderi tiisti jobalardy Alatau City-de iske asyrýǵa múddeliligin rastady.
Qol jetkizilgen ýaǵdalastyqtar germaniialyq tehnologiialardy, quzyretter men investitsiialardy tartýǵa, Alatau City-diń zamanaýi injenerlik, logistikalyq, ekologiialyq jáne áleýmettik infraqurylymyn damytýǵa baǵyttalǵan. Kelesi kezeń – jobalardyń parametrleri men olardy iske asyrý tetikterin egjei-tegjeili pysyqtaý bolady.
