Astana turǵyndary tumaý men JRVI-ge qarsy vaktsinatsiiany tegin ala alady. Ekpe saldyrý 6 aidan bastap balalarǵa, jasóspirimderge, barlyq jastaǵy eresekterge, sondai-aq 16-dan 37 aptalyq merzim aralyǵynda júkti áielderge qoljetimdi, dep habarlaidy Dalanews.kz
Vaktsina alý úshin ýchaskelik dárigerge jazylmai-aq, qabyldaý ýaqytynda barýǵa bolady. Dispanserlik esepte turǵan egde jastaǵy adamdar men sozylmaly aýrýlary bar naýqastardyń vaktsinatsiiadan ótýi asa mańyzdy.
Tumaý men JRVI-diń aldyn alý úshin mamandar kelesi sharalardy ustanýǵa keńes beredi:
• maska taǵý jáne antiseptik qoldaný;
• kóp adam jinalatyn oryndarǵa barýdy shekteý;
• bólmelerdi jii jeldetip, dymqyl tazalyq júrgizý;
• aýyryp júrgen adamdarmen qarym-qatynasty azaitý;
• durys jáne teńgerimdi tamaqtaný;
• aýrý belgileri paida bolǵanda dereý dárigerge qaralý.
Qazirgi tańda ekpeni 80 264 adam (55,3%) saldyrdy. Meditsinalyq qyzmetkerler de ózderin jáne naýqastaryn qorǵaý maqsatynda vaktsinatsiiadan ótip jatyr.
Qosymsha aqparatty emhananyń tirkeý bóliminen ala alasyzdar.
