استانا تۇرعىندارى تۇماۋ مەن جرۆي-گە قارسى ۆاكسيناسيانى تەگىن الا الادى. ەكپە سالدىرۋ 6 ايدان باستاپ بالالارعا، جاسوسپىرىمدەرگە، بارلىق جاستاعى ەرەسەكتەرگە، سونداي-اق 16-دان 37 اپتالىق مەرزىم ارالىعىندا جۇكتى ايەلدەرگە قولجەتىمدى، دەپ حابارلايدى Dalanews.kz
ۆاكسينا الۋ ءۇشىن ۋچاسكەلىك دارىگەرگە جازىلماي-اق، قابىلداۋ ۋاقىتىندا بارۋعا بولادى. ديسپانسەرلىك ەسەپتە تۇرعان ەگدە جاستاعى ادامدار مەن سوزىلمالى اۋرۋلارى بار ناۋقاستاردىڭ ۆاكسيناسيادان ءوتۋى اسا ماڭىزدى.
تۇماۋ مەن ءجرۆي-دىڭ الدىن الۋ ءۇشىن ماماندار كەلەسى شارالاردى ۇستانۋعا كەڭەس بەرەدى:
• ماسكا تاعۋ جانە انتيسەپتيك قولدانۋ؛
• كوپ ادام جينالاتىن ورىندارعا بارۋدى شەكتەۋ؛
• بولمەلەردى ءجيى جەلدەتىپ، دىمقىل تازالىق جۇرگىزۋ؛
• اۋىرىپ جۇرگەن ادامدارمەن قارىم-قاتىناستى ازايتۋ؛
• دۇرىس جانە تەڭگەرىمدى تاماقتانۋ؛
• اۋرۋ بەلگىلەرى پايدا بولعاندا دەرەۋ دارىگەرگە قارالۋ.
قازىرگى تاڭدا ەكپەنى 80 264 ادام (55،3%) سالدىردى. مەديسينالىق قىزمەتكەرلەر دە وزدەرىن جانە ناۋقاستارىن قورعاۋ ماقساتىندا ۆاكسيناسيادان ءوتىپ جاتىر.
قوسىمشا اقپاراتتى ەمحانانىڭ تىركەۋ بولىمىنەن الا الاسىزدار.
