Radioelektronika jáne bailanys áskeri-injenerlik institýtynyń oqý-jattyǵý ortalyǵynda ásker sapyn tolyqtyrǵan sarbazdardyń áskeri ant qabyldaý rásimi ótti. Jetisý oblysynan, Astana jáne Shymkent qalalarynan shaqyrylǵan júzden asa sarbaz Otanǵa adal qyzmet etýge ant berdi, dep habarlaidy dalanews.kz.
Olardyń qatarynda Jarkent qalasynan shaqyrylǵan 18 jastaǵy Rahat Qabyljan da bar. Ol byltyr dostarymen birge áskerge barýǵa niet bildirip, jergilikti áskeri basqarý organyna barǵan. Alaida kámelet jasyna tolmaǵandyqtan áskerge alynbaǵan.
Otan qorǵaýshylar kúni qarsańynda Jarkent qalasynyń ákimdigi turǵyndar arasynda baǵaly syilyqtar utysyn uiymdastyryp, lottardyń biri retinde áskeri qyzmetke motivatsiia retinde "áskerge joldama" qosqan.
Mundai erekshe syilyqty Rahat Qabyljan utyp alǵan. Áskerge baratyn jasqa kelgen jigit birden Qazaqstan Qarýly kúshteri qatarynda qyzmet etýge attanǵan.
"Bul tosynsyi meni qatty qýantty. Jas jaýynger kýrsynan ótken ýaqyt ishinde ómirge degen kózqarasym ózgerdi. Minez shyńdalyp, jaýapkershiligim men tártibim artqanyn baiqadym", – deidi qatardaǵy jaýynger Rahat Qabyljan.
