Balanyń tárbiesi otbasynan bastalady, biraq ol tárbieniń qundylyqtaryn arttyratyn bilim ordasy bolsa, bul oshaqtyń jany men júregi – muǵalim. Sondyqtan otbasynan keiingi balanyń tárbiesi mektepte, odan keiin orta jáne joǵary bilim berý oryndarynda qalyptasady.
Mamandyq ainalamyzda jeterlik, biraq kez-kelgen mamandy maman qylatyn ustaz. Ol kisilerdiń eńbegin baǵalap, ózderin syilap, qurmet tutý ár shákirttiń mindeti. Sebebi, ustazdyq ońai mamandyq emes. Osy oraida, ustazdyq jolynda talai túlekterdi jańa belesterge jetelep, qanat qaqqyzyp, bilim nárimen sýsyndatyp, qoǵamdyq ómirden qalys qaldyrmai eńbek etip kele jatqan Jadyra Julqainarova búginde injener – mehanik, «Jol – qurylys mashinalaryn tehnikalyq paidalaný túrleri» mamandyǵy boiynsha jas túlekterdi daiarlaýda. Sonymen qatar, kýratorlyq qyzmetti de birge alyýda. Óziniń eńbek jolynda respýblikalyq, oblystyq, aýdandyq dodalarda baq synap, júldeli oryndardy ielenip keledi. Búginde aiaýly jar, úlgili kelin bolyp otyrǵan Jadyra Julqainarova tórt balanyń ardaqty anasy. Muǵalimdik qyzmetpen qatar, úi jumystaryna da úlgerip, óziniń jeke áýesqoilyǵyn da (Hobbi) órge domalatyp otyr. Deiim jurttyń ystyq yqylasyna bólenip úlgergen ulaǵatty ustazdyń jeke súier hobbii jemis – jidekterden fýrshet jasaý bolyp tabylady eken. Jalpy, merekelik dastarhanǵa sán beretin fýrshet ataýly dúnieni jemis – jidekterden bezendirý arqyly kópshiliktiń kóńilinen shyǵyp júrgeni de ras.
«Ustaz bolý – júrektiń batyrlyǵy, ustaz bolý – sezimniń aqyndyǵy»- degendei ustazdyń mindeti aýyr, sonymen qatar jaýapkershilikti talap etetin jumys. Shydamdylyq pen tózimdilik qasietteri ustaz mamanyna aýadai qajet. Elimizde oryn alǵan epidahýalǵa bailanysty qashyqtyqtan oqytý kezińde de ustazdarymyz qiyndyqqa des bermei, stýdentterdiń tolyqqandy bilim alýyna bar kúsh – jigerin sala bildi. Ustaz – óz kásibin, barlyq shákirtin sheksiz súietin adam. Osy súiispenshiliginiń arqasynda shákirtterin alǵa jeteleidi, baǵyt-baǵdar beredi, shabyttandyrady, iske batyl jáne senimdi qarap kirisýine septigin tigizedi. Ustaz únemi lúpildep soǵyp turǵan júrektiń jadynda saqtalady. Shákirt pen ustaz arasyndaǵy syilastyq, ózara qamqorlyq sezimderi shákirtiniń shyńdalýy men bilim nárimen sýsyndaýyna septigin tigizedi.
Qasiet ARSTAN,
Alakól aýdany ákiminiń
baspasóz-hatshysy
