Májilis depýtaty Ashat Aimaǵambetov muǵalimderdi gazet jýrnaldarǵa májbúrlep jazdyrý máselesine qatysty pikir bildirdi, dep habarlaidy Dala News.
«Myqty muǵalim tek Qazaqstannyń gazet jýrnaldaryn ǵana emes, ol sheteldiń gazet jýrnaldaryn da oqidy. Bul anyq, bul aksioma. Oǵan qoryqpańyzdar. Eshkim muǵalimderge gazet oqymańdar dep aityp jatqan joq. Bul ashyq manipýliatsiia», - dedi depýtat.
Onyń aitýynsha, zańda naqty bir ǵana talap bar jáne ol muǵalimderdi májbúrleýge tyiym salady.
«Zańda bekitilgen bir ǵana nárse bar. Muǵalimderdi májbúrlep, olarǵa túrli talap qoiýǵa bolmaidy. Bir otbasynda birneshe adam jumys istese, barlyǵyna birdei bir gazetti májbúrlep jazdyrýǵa bolmaidy. Biraq eger gazet qyzyqty bolsa, tartymdy bolsa, mazmundy bolsa, kez kelgen muǵalim ony oqidy. Bizdiń muǵalimder osy gazetterdiń eń belsendi oqyrmandarynyń biri», - dedi Aimaǵambetov.
Depýtat muǵalimderdiń oqýdan bas tartpaitynyn, másele tek májbúrleýde ekenin atap ótti.
«Sondyqtan biz manipýliatsiiaǵa barmaýymyz kerek. Eger gazet qyzyqty bolsa, jýrnal qyzyqty bolsa, ony oqidy. Men ózim de Niý Iork Taims oqimyn, Ekonomist oqimyn, Egemendi, Ana tilin, Túrkistandy oqimyn. Sol siiaqty bizdiń muǵalimder de gazetterdi oqityn eń belsendi oqyrmandardyń qatarynda. Al mundai manipýliatsiia bul jalǵan, jala jabý. Eshkim muǵalimderge gazet oqymańdar degen joq. Muǵalimder oqý kerek, maqala oqý kerek, gazet oqý kerek, eń aldymen kitap oqý kerek. Biraq olardy májbúrleýge bolmaidy. Bul bólek másele», - dedi depýtat.
Qorytyndylai kele, depýtat muǵalimderdi aqparattyq ónimderge kúshtep jazdyrý tájiribesi zańǵa qaishy ekenin jáne bul tásilden bas tartý qajet ekenin aitty.
