29 sáýirde Qazaqstan Prezidenti Qasym-Jomart Toqaev pen Belarýs Prezidenti Aleksandr Lýkashenko telefon arqyly sóilesti, dep habarlaidy Dala News.
Áńgime barysynda memleket basshylary Qazaqstan men Belarýs arasyndaǵy yntymaqtastyqtyń damýyn talqylap, sońǵy ýaqytta ekijaqty bailanystardyń joǵary deńgeide ekenin atap ótti. Sońǵy jarty jyl ishinde birqatar mańyzdy saparlar júzege asqan. Atap aitqanda, Qazaqstanǵa Belarýstiń Premer-ministri men syrtqy ister ministri kelgen, al Minskide Qazaqstan Májilisiniń tóraǵasy bolǵan.
Prezidentter aldaǵy kezdesýler men is-sharalar kestesin de talqylady. Mamyr aiynyń sońynda Astanada Joǵary Eýraziialyq ekonomikalyq keńes pen Eýraziialyq ekonomikalyq forým ótedi. Kezdesý barysynda osy halyqaralyq alańdardyń kún tártibine kiretin negizgi máseleler qaraldy.
Sonymen qatar, Jeńis kúni qarsańynda eki el basshylary bir-birin quttyqtap, Qazaqstan men Belarýs halyqtaryna beibitshilik pen amandyq tiledi.
Aleksandr Lýkashenko Qazaqstan Prezidentin Belarýske resmi saparmen kelýge qaita shaqyrdy. Bul sapar barysynda ekijaqty yntymaqtastyqty jan-jaqty talqylap, bolashaq jobalar men josparlardy aiqyndaý kózdelip otyr.
Sondai-aq kúzde Minskide ótetin Eýraziialyq úkimetaralyq keńes pen «INNOPROM» halyqaralyq kórmesine Qazaqstan Premer-ministri bastaǵan delegatsiianyń qatysýy kútilýde.
