Qyrǵyzstan Ulttyq qaýipsizdik memlekettik komıtetiniń burynǵy basshysy Qamshybek Táshıevke resmı aıyp taǵylǵan joq. Bul týraly advokat Sherdor Abdykaparov málimdedi, dep habarlaıdy Dalanews.kz.

Onyń aıtýynsha, buǵan deıin áleýmettik jelide jarıalanǵan aqparat naqty tujyrymdalmaǵan. Advokat bastapqyda Qamshybek Táshıevke, Qurmanqul Zýlýshevke jáne Nurlanbek Turǵynbek ýýlýǵa qylmystyq is aıasynda aıyp taǵylǵany jóninde jazba jarıalaǵan bolatyn. Keıin ol jazbasyn óshirip, qatelik jibergenin aıtty.

«Resmı túrde eshqandaı aıyp taǵylǵan joq. Burynǵy saıasatkerler is aıasynda tek tergeýge shaqyryldy. Bolashaqta uqsas aıyptar taǵylýy múmkin», – dedi advokat.

Ol sondaı-aq jarıalanǵan vıdeony oıyn naqty jetkize almaǵandyqtan óshirgenin túsindirdi.

Buǵan deıin BAQ pen áleýmettik jelilerde Qamshybek Táshıevke, Qurmanqul Zýlýshevke jáne Nurlanbek Turǵynbekýýlýǵa jappaı tártipsizdik isine baılanysty aýyr baptar boıynsha aıyp taǵylǵany jóninde aqparat taraǵan edi.