Germaniianyń federaldyq prokýratýrasy Resei paidasyna tyńshylyq jasady degen kúdikpen Qazaqstan azamatyn ustady. Tergeý nusqasy boiynsha, ol Berlin aýmaǵynda áreket etken, dep habarlaidy Dalanews.kz Tagesschau basylymyna silteme jasap.
47 jastaǵy er adam Resei barlaý qyzmetiniń agenti retinde jumys istedi degen kúdikke ilingen. Tergeýshilerdiń boljamynsha, ol yqtimal diversiialyq áreketterge de daiyn bolýy múmkin.
Is materialdaryna sáikes, kúdikti kóbine smartfon arqyly túrli nysandardy sýretke túsirip, alynǵan materialdardy Resei barlaýyndaǵy bailanystaǵy adamyna jiberip otyrǵan. Olardyń qatarynda avtojoldardaǵy áskeri kolonnalar, saiasatkerler men arnaiy qyzmet kólikteri, úkimet ǵimarattary, sondai-aq qorǵanys ónerkásibine qatysty nysandar bolǵan. Negizgi bóligi Berlin qalasynda ornalasqan.
Quqyq qorǵaý organdary onyń negizinen ashyq qoljetimdi nysandardy túsirgen bolýy múmkin ekenin aitady. Alaida bul jait tyńshylyqqa qatysty qylmystyq jaýapkershilikti joqqa shyǵarmaidy.
Sonymen qatar, epizodtardyń birinde NATO-ǵa múshe ózge memlekettiń áskeri kólikteri týraly derek bar ekeni aityldy. Bul alians kúshteriniń mártebesine qatysty qosymsha quqyqtyq normalar aiasynda qaralýy múmkin.
