Memleket basshysy Qasym-Jomart Toqaev pen Chehiia premer-ministri Andrei Babish ónerkásip, munai-gaz, atom energiiasy, kólik-logistika, qorǵanys ónerkásibi, tsifrlandyrý, aýyl sharýashylyǵy jáne densaýlyq saqtaý salalaryndaǵy ózara yntymaqtastyq perspektivalaryn talqylady, dep habarlaidy Dalanews.kz.
Áńgimelesý barysynda eki el arasyndaǵy qarym-qatynas tek ekonomikamen shektelmeitini, ortaq tarihi oqiǵalar men mádeni-gýmanitarlyq bailanystarǵa negizdeletini jaiynda aityldy.
Memleket basshysy qazaq dalasyna Prjevalskii jylqylaryn qaita jersindirýdi kózdeitin biregei jobaǵa atsalysqany úshin chehiialyq áriptesterine rizashylyǵyn bildirdi.
Prezident Óńirlik ekologiialyq sammitte bul bastamany elimizdiń bioalýantúrlilikti saqtaý salasynda jetken jetistikteriniń biri retinde ataǵan bolatyn.
Premer-ministr Qazaqstan azamattaryna viza rejimin jeńildetý máselesine Chehiianyń ekijaqty deńgeide jáne Eýropa Odaǵy aiasynda yqpal etýge nietti ekenin jetkizdi.
Kelissóz qorytyndysy boiynsha taraptar joǵary deńgeide qol jetkizilgen ýaǵdalastyqtardy naqty iske asyrý úshin jobalar tizimin ázirleidi.
Andrei Babish Qasym-Jomart Toqaevty ózine yńǵaily ýaqytta Chehiiaǵa saparmen kelýge shaqyrdy. Memleket basshysy bul usynysty yqylaspen qabyl aldy.
