Qazaqstanda ekstremistik jáne terroristik materialdardy jariialaǵany úshin ákimshilik jaýapkershilik engiziledi, dep habarlaidy Dala News.
Májilis baspasóz qyzmetiniń málimetinshe, tiisti túzetýler Ákimshilik quqyq buzýshylyq týraly kodekske engizilýde. Buǵan deiin mundai materialdardy daiyndaý, saqtaý, ákelý, tasymaldaý jáne taratý úshin jaýapkershilik qarastyrylǵan bolsa, endi olardy jariialaý da jaýapkershilikke negiz bolady.
«Ákimshilik quqyq buzýshylyq týraly kodekske engizilgen túzetýlerge sáikes, ekstremistik jáne terroristik materialdardy jariialaǵany úshin ákimshilik jaýapkershilik engiziledi. Bul norma terrorizmge jáne ekstremizmge qarsy is-qimyl týraly zańdarmen, sondai-aq Azamattyq protsestik kodekspen sáikestendirý maqsatynda qabyldanyp otyr», – delingen habarlamada.
Sonymen qatar Azamattyq protsestik kodekske jáne «Terrorizmge qarsy is-qimyl týraly», «Ekstremizmge qarsy is-qimyl týraly» zańdarǵa ózgerister engizilip, ekstremistik jáne terroristik materialdardy tasymaldaýǵa tikelei tyiym belgilenedi.
Budan bólek, terrorizmge qarsy is-qimyl men ekstremizmniń aldyn alý salasyna jaýapty memlekettik organdardyń ókilettikteri naqtylandy.
«Sondai-aq depýtattar salyq zańnamasyna sáikes buryn ákimshilik jaýapkershilikke tartylǵan tulǵalardy ákimshilik jazany oryndaýdan bosatýdy kózdeitin túzetý usyndy», – dep málimdedi Májiliste.
Qorytyndylai kele, engizilip jatqan ózgerister zańnamany birizdendirýge jáne ekstremizm men terrorizmge qarsy sharalardy kúsheitýge baǵyttalǵan.
