Belgili qoǵam qairatkeri ári dáriger Baqyt Túmenova ómirden ótti. Qaraly habardy Májilis depýtaty Ermurat Bápi jetkizdi, dep habarlaidy Dalanews.kz.
Ol áleýmettik jelidegi paraqshasynda Baqyt Túmenovanyń eldegi erkindik qundylyqtaryn qorǵaýda berik ustanym tanytqanyn jazdy.
Ermurat Bápidiń aitýynsha, Baqyt Túmenova «Qazaqstannyń demokratiialyq tańdaýy» qozǵalysy qurylǵan kúnnen bastap memlekettik qyzmetten ketip, oppozitsiia qataryna qosylǵan. Sondai-aq partiiany tirkeýden bas tartylǵanyna qaramastan, óz kózqarasynan ainymai, keiin «Aman-saýlyq» qoryn quryp, ony jiyrma jylǵa jýyq basqarǵan.
Baqyt Túmenova 1948 jyly Qyzylorda qalasynda dúniege kelgen. Mamandyǵy boiynsha dáriger. Ol densaýlyq saqtaý júiesinde 30 jyldan astam eńbek etip, qarapaiym dárigerden oblystyq deńgeidegi basshylyq qyzmetterge deiin kóterilgen.
Eńbek jolynda Semei qalasynda jumys istep, keiin oblys ákimdigi apparatynda qyzmet atqarǵan. Sondai-aq Pavlodar oblysy ákiminiń áleýmettik máseleler jónindegi orynbasary bolǵan.
2000-jyldardyń basynda saiasatqa bet buryp, «Qazaqstannyń demokratiialyq tańdaýy» qozǵalysy men «Alǵa» partiiasyn qurýǵa qatysqan. Keiin áleýmettik osal toptar men patsientterdiń quqyǵyn qorǵaýmen ainalysqan «Aman-saýlyq» qoryn qurdy.
Sonymen qatar ol densaýlyq saqtaý salasyndaǵy qoǵamdyq keńester quramynda jumys istedi. Artynda eki qyzy men nemereleri qaldy.
