بەلگىلى قوعام قايراتكەرى ءارى دارىگەر باقىت تۇمەنوۆا ومىردەن ءوتتى. قارالى حاباردى ءماجىلىس دەپۋتاتى ەرمۇرات ءباپي جەتكىزدى، دەپ حابارلايدى Dalanews.kz.

ول الەۋمەتتىك جەلىدەگى پاراقشاسىندا باقىت تۇمەنوۆانىڭ ەلدەگى ەركىندىك قۇندىلىقتارىن قورعاۋدا بەرىك ۇستانىم تانىتقانىن جازدى.

ەرمۇرات ءباپيدىڭ ايتۋىنشا، باقىت تۇمەنوۆا «قازاقستاننىڭ دەموكراتيالىق تاڭداۋى» قوزعالىسى قۇرىلعان كۇننەن باستاپ مەملەكەتتىك قىزمەتتەن كەتىپ، وپپوزيسيا قاتارىنا قوسىلعان. سونداي-اق پارتيانى تىركەۋدەن باس تارتىلعانىنا قاراماستان، ءوز كوزقاراسىنان اينىماي، كەيىن «امان-ساۋلىق» قورىن قۇرىپ، ونى جيىرما جىلعا جۋىق باسقارعان.

باقىت تۇمەنوۆا 1948 جىلى قىزىلوردا قالاسىندا دۇنيەگە كەلگەن. ماماندىعى بويىنشا دارىگەر. ول دەنساۋلىق ساقتاۋ جۇيەسىندە 30 جىلدان استام ەڭبەك ەتىپ، قاراپايىم دارىگەردەن وبلىستىق دەڭگەيدەگى باسشىلىق قىزمەتتەرگە دەيىن كوتەرىلگەن.

ەڭبەك جولىندا سەمەي قالاسىندا جۇمىس ىستەپ، كەيىن وبلىس اكىمدىگى اپپاراتىندا قىزمەت اتقارعان. سونداي-اق پاۆلودار وبلىسى اكىمىنىڭ الەۋمەتتىك ماسەلەلەر جونىندەگى ورىنباسارى بولعان.

2000-جىلداردىڭ باسىندا ساياساتقا بەت بۇرىپ، «قازاقستاننىڭ دەموكراتيالىق تاڭداۋى» قوزعالىسى مەن «العا» پارتياسىن قۇرۋعا قاتىسقان. كەيىن الەۋمەتتىك وسال توپتار مەن پاسيەنتتەردىڭ قۇقىعىن قورعاۋمەن اينالىسقان «امان-ساۋلىق» قورىن قۇردى.

سونىمەن قاتار ول دەنساۋلىق ساقتاۋ سالاسىنداعى قوعامدىق كەڭەستەر قۇرامىندا جۇمىس ىستەدى. ارتىندا ەكى قىزى مەن نەمەرەلەرى قالدى.