Májilis depýtaty Nartai Aralbai mindetti áleýmettik meditsinalyq saqtandyrý júiesiniń (MÁMS) jumysyn da synǵa aldy, dep habarlaidy Dala News.
Onyń aitýynsha, azamattar júiege turaqty túrde jarna tólegenimen, sapaly meditsinalyq qyzmetke qol jetkizý qiyn bolyp otyr.
«MÁMS-ke qansha aqsha túsip jatyr – bilmeimiz. Ol qarajat qalai jumsalyp jatyr – taǵy túsiniksiz. Jarna tóleimiz, biraq emdele almaimyz. Keide birneshe kún emes, aptalap kezek kútemiz», – dedi depýtat.
Ol sondai-aq júiede kóptegen reformalar men normalardyń tolyq iske aspai otyrǵanyn atap ótti.
«Jańa baǵdarlamalar qabyldanbai jatyr, qajetti normalar engizilmei otyr. Sonyń saldarynan júie tolyq jumys istemeidi. Adamdar aqsha tólegenimen, naqty nátije kórmei otyr», – dedi Nartai Aralbai.
Depýtattyń pikirinshe, MÁMS júiesinde ashyqtyqty kúsheitip, qarajattyń qozǵalysyn naqty baqylaýǵa alý qajet. Bul azamattardyń senimin qalpyna keltirýdiń negizgi sharty bolmaq.
