ءماجىلىس دەپۋتاتى نارتاي ارالباي مىندەتتى الەۋمەتتىك مەديسينالىق ساقتاندىرۋ جۇيەسىنىڭ (ءمامس) جۇمىسىن دا سىنعا الدى، دەپ حابارلايدى Dala News.
ونىڭ ايتۋىنشا، ازاماتتار جۇيەگە تۇراقتى تۇردە جارنا تولەگەنىمەن، ساپالى مەديسينالىق قىزمەتكە قول جەتكىزۋ قيىن بولىپ وتىر.
«مامس-كە قانشا اقشا ءتۇسىپ جاتىر – بىلمەيمىز. ول قاراجات قالاي جۇمسالىپ جاتىر – تاعى تۇسىنىكسىز. جارنا تولەيمىز، ءبىراق ەمدەلە المايمىز. كەيدە بىرنەشە كۇن ەمەس، اپتالاپ كەزەك كۇتەمىز»، – دەدى دەپۋتات.
ول سونداي-اق جۇيەدە كوپتەگەن رەفورمالار مەن نورمالاردىڭ تولىق ىسكە اسپاي وتىرعانىن اتاپ ءوتتى.
«جاڭا باعدارلامالار قابىلدانباي جاتىر، قاجەتتى نورمالار ەنگىزىلمەي وتىر. سونىڭ سالدارىنان جۇيە تولىق جۇمىس ىستەمەيدى. ادامدار اقشا تولەگەنىمەن، ناقتى ناتيجە كورمەي وتىر»، – دەدى نارتاي ارالباي.
دەپۋتاتتىڭ پىكىرىنشە، ءمامس جۇيەسىندە اشىقتىقتى كۇشەيتىپ، قاراجاتتىڭ قوزعالىسىن ناقتى باقىلاۋعا الۋ قاجەت. بۇل ازاماتتاردىڭ سەنىمىن قالپىنا كەلتىرۋدىڭ نەگىزگى شارتى بولماق.
