2025 jyly Qazaqstanda ataýly áleýmettik kómek (AÁK) pen járdemaqy kólemi óńirler boıynsha aıtarlyqtaı aıyrmashylyq kórsetken, dep habarlaıdy Dalanews.kz.

Orta eseppen alǵanda, el boıynsha bir adamǵa shaqqandaǵy ataýly áleýmettik kómek jylyna 489 teńgeni quraǵan. Eń joǵary kórsetkish Almaty oblysynda tirkeldi (3162 teńge). Odan keıin Jetisý oblysy (1191 teńge), Pavlodar oblysy (1104 teńge), Shymkent qalasy (869 teńge) jáne Astana qalasy (794 teńge) kósh bastap tur.

Al toǵyz óńirde ataýly áleýmettik kómek kólemi bir adamǵa shaqqanda nólge jýyq deńgeıde qalyp otyr.

Járdemaqylarǵa kelsek, el boıynsha ortasha kórsetkish jylyna 50 991 teńgeni quraǵan. Bul baǵytta Ulytaý oblysy alda – 85 339 teńge. Sondaı-aq Qaraǵandy (79 487 teńge), Mańǵystaý (71 999 teńge), Qyzylorda (70 601 teńge) jáne Aqtóbe (62 945 teńge) oblystary joǵary kórsetkish kórsetken.

Eń tómen járdemaqy kólemi Almaty qalasynda (35 441 teńge) jáne Almaty oblysynda (30 392 teńge) tirkelgen.