Atyraýda TikTok jelisindegi tikelei efir kezinde ózin «lańkespin» dep tanystyrǵan eki áiel jaýapqa tartylmaq, dep habarlaidy dalanews.kz.
Jasy 38 jáne 39-daǵy eki áiel «Dina» bazarynda parfiýmeriia satyp, saýda jasap júrgen. Olar tikelei efir barysynda ózderin «lańkespiz» dep atap, Ulttyq qaýipsizdik komitetiniń qyzmetkerlerimen tanys ekenin aitqan.
Áielderdiń biri efir kezinde: «Men 20 jyldan beri lańkespin, meni búkil UQK biledi», – dep málimdegen.
Áleýmettik jelide video qyzý talqylanǵannan keiin politsiia qyzmetkerleri áielderdiń kim ekenin anyqtap, olardy bólimshege jetkizgen.
Olarǵa qatysty úsh ákimshilik is qozǵalǵan. Atap aitqanda, usaq buzaqylyq, quqyqqa qaishy kontent taratý jáne qoǵamdyq oryndarda adamnyń jeke basyn anyqtaýǵa kedergi keltiretin kiim kiiý derekteri boiynsha hattamalar toltyrylǵan.
Qazirgi ýaqytta ákimshilik ister sotqa joldandy. Sonymen qatar áieldermen teologtyń qatysýymen profilaktikalyq áńgime júrgizilgen.
Politsiia áleýmettik jelilerde, sonyń ishinde tikelei efir kezinde jasalǵan quqyqqa qaishy áreketter úshin zańda jaýapkershilik kózdelgenin eske saldy.
