Almatynyń Túrksib aýdanyndaǵy Maiak shaǵynaýdanynyń turǵyndary Aeroport kóliniń shyǵys jaǵalaýyna qurylys júrgizilýi múmkin ekenine alańdap otyr, dep habarlaidy dalanews.kz.
Za nami ýje vyehali telegram arnasynyń málimetinshe, jergilikti turǵyndarǵa kól mańyn damytý jobasynyń eskizderi tanystyrylǵan. Josparda sý aidyny men joldyń arasyndaǵy aýmaqta jaiaý júrginshilerge arnalǵan kvartal, saýda oryndary, dámhanalar jáne úsh avtoturaq salý qarastyrylǵan.
Qazir bul aýmaqta aǵashtar ósip tur. Turǵyndar qurylys bastalsa, saiabaqtyń bir bóligi men qustar mekendeitin kól shyǵanaǵy zardap shegýi múmkin dep qaýiptenedi. Zoologterdiń málimetinshe, Aeroport kólinde qustyń 60-tan astam túri kezdesedi.
Al joba avtorlary jasyl jelek pen sý qorǵaý aýmaǵyna qurylys júrgizilmeitinin alǵa tartady. Usynylǵan syzbalarda «Jeltoqsan saiabaǵy saqtalady» jáne «Sý qorǵaý jolaǵynda qurylys bolmaidy» dep kórsetilgen.
Jobany «Shyǵys qaqpasy» politsentrin damytý aiasynda jeke investor — «Tumar Stroy Invest» JShS qarjylandyrady. Qazir kóldiń sýy aǵyzylyp, túbin tazartý jumystary júrgizilip jatyr.
Alaida aýmaqtyń bas jospary áli bekitilmegen. Ekologiia basqarmasynyń málimetinshe, joba aldaǵy ýaqytta ekologiialyq saraptamadan ótip, qoǵamdyq tyńdaýǵa shyǵarylýǵa tiis.
