Qazaqstanda janýarlar men olardan alynatyn ónimderdi satatyn saýda oryndarynda memlekettik veterinariialyq-sanitariialyq baqylaýdy turaqty negizde júrgizý usynyldy. Bul norma veterinariia máseleleri boiynsha ázirlengen zań jobasyna engizilgen, dep habarlaidy dalanews.kz.
Májilis depýtaty Serik Eginbaevtyń aitýynsha, ózgeristerdiń negizgi maqsaty – tamaq ónimderiniń qaýipsizdigin qamtamasyz etý jáne veterinariialyq-sanitariialyq baqylaýdy kúsheitý.
Zań jobasynda uiymdasqan sharýashylyqtarǵa tiesili aýyl sharýashylyǵy janýarlaryn sáikestendirýdi menshik ieleriniń óz qarajaty esebinen júrgizý kózdelgen.
Sonymen qatar jeke jáne zańdy tulǵalarǵa janýarlardy satý jáne soiý týraly ýaqtyly habarlaý mindeti júkteledi. Sondai-aq janýarlardy sáikestendirý buiymdary joǵalǵan nemese búlingen jaǵdaida bul týraly habarlaý talap etiledi.
Bul sharalar janýarlar sanyn naqty esepke alýǵa jáne veterinariialyq qaýipsizdikke qatysty qajetti sharalardy ýaqytyly qabyldaýǵa baǵyttalǵan.
