Qazaqstanda veterinariia mamandaryna áleýmettik qoldaý kórsetilip, ǵylymi dárejesi bar mamandarǵa qosymsha aqy tóleý usynyldy. Tiisti zań jobasyn Quryltai birinshi oqylymda maquldady, dep habarlaidy dalanews.kz.
Qujatqa sáikes, veterinariia mamandaryna jyl saiynǵy aqyly eńbek demalysy kezinde keminde eki laýazymdyq ailyqaqy mólsherinde saýyqtyrý járdemaqysyn tóleý kózdelgen.
Sonymen qatar negizgi jumys orny boiynsha ǵylym kandidatyna 17 AEK, al ǵylym doktoryna 34 AEK kóleminde ai saiyn qosymsha aqy berý usynylyp otyr.
Zań jobasynda veterinar dárigerlerdiń quqyqtary men kásibi múddelerin qorǵaityn veterinariialyq palata qurý da qarastyrylǵan. Qoǵamdyq uiym mamandardyń esebin júrgizip, olardyń biliktiligin arttyrýǵa yqpal etedi.
Zań jobasy veterinariia salasyndaǵy kadr tapshylyǵyn azaitýǵa jáne mamandyqtyń, ásirese aýyldyq jerlerdegi tartymdylyǵyn arttyrýǵa baǵyttalǵan.
