Qazaqstanda veterinariia salasyndaǵy zańnamalyq ózgeristerdi iske asyrý úshin memlekettik biýdjetten jyl saiyn shamamen 27 mlrd teńge bólý josparlanyp otyr. Bul týraly Májilis depýtaty Serik Eginbaev zań jobasyn tanystyrý kezinde málimdedi, dep habarlaidy dalanews.kz.
Zań jobasy veterinariialyq qyzmetti jetildirýdi, mamandardyń áleýmettik qorǵalýyn arttyrýdy jáne janýarlar aýrýlarynyń aldyn alý júiesin kúsheitýdi kózdeidi.
Qujatta memlekettik basqarý deńgeileri arasyndaǵy ókilettikterdi naqtylaý, veterinariialyq uiymdardyń fýnktsiialaryn bólý jáne saladaǵy tsifrlandyrýdy damytý qarastyrylǵan.
Atap aitqanda, veterinariia salasynda biryńǵai tsifrlyq júie qurý usynylady. Onda veterinariialyq qyzmet sýbektileri men obektileri, júrgizilgen is-sharalar, memlekettik baqylaý jáne qadaǵalaý týraly málimetter jinaqtalady.
Sonymen qatar Respýblikalyq epizootiiaǵa qarsy jasaqqa veterinariialyq preparattardyń ainalymyna qatysty qyzmetterdi atqarý jáne aýrý janýarlar men olardan alynatyn ónimder men shikizattyń qunyn ielerine óteý fýnktsiialaryn berý kózdelgen.
