Qarjylyq monitoring agenttigi 1985 jyly 8 aqpanda týǵan Resei Federatsiiasynyń azamaty Dmitrii Pýnin men 1989 jyly 11 aqpanda týǵan Ýkraina azamatshasy Marina Ilinaǵa izdeý jariialady. Olarǵa belgilengen bultartpaý sharasy - kúzetpen ustaý, dep habarlaidy dalanews.kz.
Olar qazaqstandyq qoldanýshylarǵa baǵyttalǵan Pinco jáne Pin-Up internet kazinolaryn zańsyz uiymdastyrdy degen kúdikke ilindi.
Tergeý dereginshe, bul shemany iske asyrý úshin baqylaýdaǵy kompaniialardan, tólem uiymdarynan jáne bank quraldarynan turatyn tarmaqtalǵan halyqaralyq infraqurylym qurylǵan.
Osy júieniń Qazaqstandaǵy býyny PIN-UP.KZ brendimen býkmekerlik qyzmetke litsenziia alǵan "Bonami" JShS boldy. Alaida zańdy býkmekerlik biznes internet kazino qyzmetin jasyrý úshin paidalanylǵan.
Túrli bankter men qarjy uiymdarynda ashylǵan 24 tólem terminalynan turatyn jeli qurylǵan. Onyń 14-i aqsha qabyldaý úshin paidalanylǵan. Qarjy operatsiialarynyń kólemi 106 mlrd teńgeden asqan.
"Izdeý jariialanǵan adamdar qaida júrgeni týraly qandai da bir aqparat bilseńiz, Qarjylyq monitoring agenttigine myna telefon arqyly habarlaýyńyzdy suraimyz: +7 7172 70 84 78 - kezekshi bólim", - dedi agenttik ókilderi.
Eske salaiyq, buǵan deiin Qazaqstan Pin-Up ielerine halyqaralyq izdeý jariialaǵany habarlandy.
