Áleýmettik jelide Almatydaǵy saýda oiyn-saýyq ortalyqtarynyń birinde Resei azamaty mas kúide janjal shyǵaryp, qoǵamdyq tártipti buzǵany týraly aqparat tarady, dep habarlaidy dalanews.kz.
Threads jelisinde jariialanǵan málimetke sáikes "Resei azamatynyń áreketi Ákimshilik quqyqbuzýshylyq týraly kodekstiń 434-baby (Usaq buzaqylyq) jáne 440-baby (Qoǵamdyq oryndarǵa masań kúide kelý) boiynsha" saralanǵan.
Almaty Politsiia departamenti áleýmettik jelide taraǵan aqparatqa qatysty túsinikteme berip, oqiǵaǵa qatysy bar adam Resei emes, Qazaqstan azamaty ekenin habarlady.
"Áleýmettik jelide taraǵan video boiynsha Almaty qalasynyń politsiia qyzmetkerleri tekseris júrgizdi. Nátijesinde Almaty qalasynyń 40 jastaǵy turǵyny, Qazaqstan Respýblikasynyń azamaty anyqtalyp, politsiia bólimine jetkizildi", - dep jazylǵan habarlamada.
Vedomstvo málimetinshe, er adam ákimshilik jaýapkershilikke tartylǵan. Sot sheshimimen ol 20 táýlikke ákimshilik qamaýǵa alynǵan.
