قارجىلىق مونيتورينگ اگەنتتٸگٸ 1985 جىلى 8 اقپاندا تۋعان رەسەي فەدەراتسيياسىنىڭ ازاماتى دميتريي پۋنين مەن 1989 جىلى 11 اقپاندا تۋعان ۋكراينا ازاماتشاسى مارينا يليناعا ٸزدەۋ جارييالادى. ولارعا بەلگٸلەنگەن بۇلتارتپاۋ شاراسى - كٷزەتپەن ۇستاۋ, دەپ حابارلايدى dalanews.kz.
ولار قازاقستاندىق قولدانۋشىلارعا باعىتتالعان Pinco جەنە Pin-Up ينتەرنەت كازينولارىن زاڭسىز ۇيىمداستىردى دەگەن كٷدٸككە ٸلٸندٸ.
تەرگەۋ دەرەگٸنشە, بۇل سحەمانى ٸسكە اسىرۋ ٷشٸن باقىلاۋداعى كومپانييالاردان, تٶلەم ۇيىمدارىنان جەنە بانك قۇرالدارىنان تۇراتىن تارماقتالعان حالىقارالىق ينفراقۇرىلىم قۇرىلعان.
وسى جٷيەنٸڭ قازاقستانداعى بۋىنى PIN-UP.KZ برەندٸمەن بۋكمەكەرلٸك قىزمەتكە ليتسەنزييا العان "بونامي" جشس بولدى. الايدا زاڭدى بۋكمەكەرلٸك بيزنەس ينتەرنەت كازينو قىزمەتٸن جاسىرۋ ٷشٸن پايدالانىلعان.
تٷرلٸ بانكتەر مەن قارجى ۇيىمدارىندا اشىلعان 24 تٶلەم تەرمينالىنان تۇراتىن جەلٸ قۇرىلعان. ونىڭ 14-ٸ اقشا قابىلداۋ ٷشٸن پايدالانىلعان. قارجى وپەراتسييالارىنىڭ كٶلەمٸ 106 ملرد تەڭگەدەن اسقان.
"ٸزدەۋ جارييالانعان ادامدار قايدا جٷرگەنٸ تۋرالى قانداي دا بٸر اقپارات بٸلسەڭٸز, قارجىلىق مونيتورينگ اگەنتتٸگٸنە مىنا تەلەفون ارقىلى حابارلاۋىڭىزدى سۇرايمىز: +7 7172 70 84 78 - كەزەكشٸ بٶلٸم", - دەدٸ اگەنتتٸك ٶكٸلدەرٸ.
ەسكە سالايىق, بۇعان دەيٸن قازاقستان Pin-Up يەلەرٸنە حالىقارالىق ٸزدەۋ جارييالاعانى حابارلاندى.
