قازاقستاندا شەتەلدٸك ازاماتتاردىڭ كەلۋٸ مەن ەلدە بولۋىنا قاتىستى ميگراتسييالىق تالاپتار ەسكە سالىندى. ولاردى بۇزعان جاعدايدا شەتەلدٸكتەرمەن قاتار, ولارعا باسپانا بەرگەن ازاماتتار مەن جۇمىس بەرۋشٸلەر دە جاۋاپقا تارتىلۋى مٷمكٸن. بۇل تۋرالى اباي وبلىسى پوليتسييا دەپارتامەنتٸنٸڭ كٶشٸ-قون قىزمەتٸ باسقارماسى ەسكەرتتٸ, دەپ حابارلايدى dalanews.kz.
ۆەدومستۆو شەتەلدٸك ازاماتتار مەن ولاردى قابىلدايتىن تاراپتاردى ەلدە بولۋ مەرزٸمٸن, كٶشٸ-قون قىزمەتٸنە حابارلاۋ تەرتٸبٸن جەنە جۇمىسقا ورنالاسۋ تالاپتارىن ساقتاۋعا شاقىردى.
شەتەلدٸك كەلگەن سوڭ ٷش جۇمىس كٷنٸ ٸشٸندە حابارلاۋ كەرەك
قازاقستانعا شەتەلدٸك ازامات كەلگەننەن كەيٸن ونى قابىلدايتىن تاراپ ٷش جۇمىس كٷنٸ ٸشٸندە كٶشٸ-قون قىزمەتٸنە حابارلاۋى تيٸس.
بۇل تالاپ تەك جۇمىس بەرۋشٸلەرگە عانا قاتىستى ەمەس. شەتەلدٸككە تۇراتىن ورىن ۇسىنعان ازاماتتار, پەتەر يەلەرٸ مەن قوناقٷي ٶكٸلدەرٸ دە ونىڭ كەلگەنٸ تۋرالى حابارلاۋعا مٸندەتتٸ.
بۇل رەتتە شەتەلدٸك ازاماتتىڭ ٶزٸ كەلگەنٸ تۋرالى حابارلاۋ ٷشٸن كٶشٸ-قون قىزمەتٸنە بارۋى مٸندەتتٸ ەمەس. قازاقستاننىڭ ەلەكتروندى ٷكٸمەتٸ تٷسٸندٸرگەندەي, بۇل رەسٸمدٸ قابىلداۋشى تاراپ ورىندايدى.
تالاپ شەتەلدٸك ازاماتتىڭ ۆيزامەن نەمەسە ۆيزاسىز رەجيم ارقىلى كەلگەنٸنە قاراماستان قولدانىلادى.
حابارلامانى ۆيزالىق-كٶشٸ-قون پورتالى, eQonaq جٷيەسٸ ارقىلى نەمەسە كٶشٸ-قون قىزمەتٸنە تٸكەلەي جٷگٸنٸپ بەرۋگە بولادى.
مەكەنجاي ٶزگەرسە, بۇل تۋرالى دا حابارلاۋ قاجەت
پوليتسييا شەتەلدٸك ازاماتتاردىڭ ناقتى تۇراتىن مەكەنجايىنا دا نازار اۋداردى.
شەتەلدٸك قۇجات رەسٸمدەۋ كەزٸندە كٶرسەتٸلگەن مەكەنجايدا تۇرۋى كەرەك. ەگەر تۇرعىلىقتى جەرٸ ٶزگەرسە, ونى قابىلداعان تاراپ بۇل تۋرالى كٶشٸ-قون قىزمەتٸنە حابارلاۋعا مٸندەتتٸ.
ياعني شەتەلدٸك العاش كەلگەن كەزدە حابارلاما جٸبەرۋ كەيٸن مەكەنجايى ٶزگەرگەن جاعدايدا قايتا حابارلاۋ مٸندەتٸنەن بوساتپايدى.
سونىمەن قاتار شەتەلدٸكتەر پاسپورتتىڭ, ۆيزانىڭ جەنە ەلدە بولۋعا رۇقسات بەرەتٸن ٶزگە دە قۇجاتتاردىڭ جارامدىلىق مەرزٸمٸن باقىلاۋى قاجەت.
پاسپورتتىڭ جارامدى بولۋى قازاقستاندا شەكتەۋسٸز جٷرۋگە قۇقىق بەرمەيدٸ. ەلدە بولۋ مەرزٸمٸ ازاماتتىڭ قانداي تەرتٸپپەن كەلگەنٸنە جەنە وعان قولدانىلاتىن كٶشٸ-قون تالاپتارىنا بايلانىستى.
جۇمىس بەرۋشٸلەرگە قانداي تالاپ قويىلادى?
پوليتسييا شەتەلدٸك ازاماتتاردى جۇمىسقا قابىلداۋ تەرتٸبٸن دە ەسكە سالدى.
جۇمىس بەرۋشٸلەر شەتەلدٸك جۇمىس كٷشٸن تارتۋ تالاپتارىن ساقتاۋى كەرەك. ەگەر زاڭ بويىنشا ارنايى رۇقسات الۋ قاجەت بولسا, ونداي قۇجاتسىز شەتەلدٸك ازاماتتى جۇمىسقا قابىلداۋعا بولمايدى.
بۇدان بٶلەك, زاڭدا كٶزدەلگەن جاعدايلاردا ەڭبەك شارتى توقتاتىلعانى نەمەسە شەتەلدٸك قىزمەتكەردٸڭ ەلدەن كەتكەنٸ تۋرالى كٶشٸ-قون قىزمەتٸنە ۋاقىتىلى حابارلاۋ قاجەت.
بۇل كەسٸپكەرلەرگە قىزمەتكەردٸ جۇمىسقا قابىلداعان كەزدە عانا ەمەس, ونىڭ ەڭبەك جولىنداعى ٶزگەرٸستەردٸ دە باقىلاۋ مٸندەتٸن جٷكتەيدٸ.
الايدا جۇمىسقا ورنالاسۋعا قاتىستى تالاپتار شەتەلدٸك ازاماتتىڭ مەرتەبەسٸنە جەنە زاڭدا قاراستىرىلعان ەرەكشەلٸكتەرگە بايلانىستى ٶزگەرۋٸ مٷمكٸن.
ميگراتسييالىق تالاپتاردى بۇزعاندارعا قانداي جازا بار?
قازاقستاننىڭ كٶشٸ-قون زاڭناماسىن ساقتاماعاندارعا ەكٸمشٸلٸك جاۋاپكەرشٸلٸك قاراستىرىلعان.
اتاپ ايتقاندا, ەكٸمشٸلٸك قۇقىق بۇزۋشىلىق تۋرالى كودەكستٸڭ 518-بابىندا ٶزٸنە كەلگەن شەتەلدٸكتەر تۋرالى ٸشكٸ ٸستەر ورگاندارىنا حابارلاۋ تالابىن ورىنداماعان قابىلداۋشى تاراپتاردىڭ جاۋاپكەرشٸلٸگٸ بەلگٸلەنگەن.
جازا تٷرٸ قۇقىق بۇزۋشىلىقتىڭ سيپاتىنا, جاۋاپقا تارتىلاتىن ادامنىڭ ساناتىنا جەنە زاڭدا كٶزدەلگەن ٶزگە دە جاعدايلارعا بايلانىستى بولادى.
