قازاقستان فۋتبول فەدەراتسيياسى (قفف) بۇرىنعى قىزمەتكەرٸ قامبار وماروۆپەن اراداعى ەڭبەك داۋىنا قاتىستى سوتتا جەڭٸلٸپ قالدى. سوت شەشٸمٸ بويىنشا فەدەراتسييا وعان جۇمىس ٸستەمەگەن كەزەڭٸ ٷشٸن جالاقىسىن تٶلەۋگە مٸندەتتەلدٸ. بۇل سوما شامامەن 50 ميلليون تەڭگەنٸ قۇرايدى. بۇل تۋرالى جۋرناليست ميحايل كوزاچكوۆ جازدى, دەپ حابارلايدى dalanews.kz.
جۋرناليستٸڭ جازۋىنشا, استانا سوتتارىندا فەدەراتسييانىڭ بۇرىنعى باس اۋديتورى قامبار وماروۆ پەن ونىڭ ەكس-جۇمىس بەرۋشٸسٸ اراسىنداعى داۋ اياقتالعان. وماروۆ قفف-دا 2025 جىلدىڭ قاڭتارىنان باستاپ جۇمىس ٸستەگەن. ونىڭ اي سايىنعى جالاقىسى شامامەن 2,5 ميلليون تەڭگە بولعان.
2026 جىلدىڭ سەۋٸرٸندە وعان شتات قىسقارۋىنا بايلانىستى ەڭبەك شارتى بۇزىلاتىنى ەسكەرتٸلٸپ, مامىر ايىندا جۇمىستان بوساتىلعان. بۇعان قارسىلىق بٸلدٸرمەگەن بۇرىنعى اۋديتور كەلٸسٸمشارتتا كٶرسەتٸلگەن ٶتەماقىنى تالاپ ەتكەن.
مەسەلە مىنادا: وماروۆ بٸر جىل جۇمىس ٸستەگەننەن كەيٸن قوسىمشا كەلٸسٸمگە قول قويعان. قۇجات بويىنشا تاراپتاردىڭ ىنتىماقتاستىعى 2028 جىلدىڭ قاڭتارىنا دەيٸن ۇزارتىلعان. سونداي-اق جۇمىس بەرۋشٸنٸڭ باستاماسىمەن ەڭبەك شارتى بۇزىلعان جاعدايدا قىزمەتكەرگە جۇمىس ٸستەمەگەن قالعان ايلارى ٷشٸن تولىق جالاقى تٶلەنۋٸ تيٸس بولعان.
وسىعان سٷيەنگەن وماروۆ سوتقا شاعىم تٷسٸرٸپ, قالعان 20 ايدىڭ جالاقىسىن, ياعني شامامەن 50 ميلليون تەڭگە ٶندٸرۋدٸ سۇراعان. بۇدان بٶلەك, وسى كەزەڭگە تيەسٸلٸ 20 ميلليون تەڭگەگە جۋىق سىياقىنى دا تالاپ ەتكەن.
الايدا فۋتبول فەدەراتسيياسى تالاپ ارىزدى مويىنداماعان. قفف ٶكٸلدەرٸنٸڭ ايتۋىنشا, قوسىمشا كەلٸسٸم فەدەراتسييادا تٸركەلمەگەن جەنە مەملەكەتتٸك enbek.kz اقپاراتتىق جٷيەسٸندە دە جوق. سونىمەن قاتار ٶتەماقى تٶلەۋ مەسەلەسٸ باسشىلىقپەن كەلٸسٸلمەگەن.
دەگەنمەن سوتتا قۇجاتتىڭ زاڭدى تٷردە جاسالعانىن راستاعان ماڭىزدى كۋەگەر بولعان. ول – قفف-نىڭ بۇرىنعى باس حاتشىسى داۆيد لورييا. ايتا كەتەيٸك, قوسىمشا كەلٸسٸمگە فەدەراتسييا اتىنان قول قويعان دا وسى لورييا بولعان.
نەتيجەسٸندە سوت وماروۆتىڭ تالابىن ٸشٸنارا قاناعاتتاندىردى. فەدەراتسييا بۇرىنعى قىزمەتكەرٸنە جۇمىس ٸستەمەگەن كەزەڭٸ ٷشٸن تيەسٸلٸ جالاقىنى تٶلەۋگە مٸندەتتەلدٸ. ال سىياقى تٶلەۋ تۋرالى تالاپ قاناعاتتاندىرىلمادى. سوت مۇنداي تٶلەمدٸ ىنتالاندىرۋ سيپاتىنداعى قوسىمشا اقى دەپ تانىعان.
ميحايل كوزاچكوۆتىڭ مەلٸمەتٸنشە, سوت شەشٸمٸ جاقىندا زاڭدى كٷشٸنە ەنگەن. سونىمەن قاتار فۋتبول فەدەراتسيياسى وماروۆپەن جاسالعان قوسىمشا كەلٸسٸمدٸ جارامسىز دەپ تانۋ تۋرالى دا تالاپ قويعان. الايدا بۇل تالاپ تا قاناعاتتاندىرىلماعان.
