بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتىڭ ەكس-جۇبايى نازىم قاحارمان بۇرىنعى كٷيەۋٸنٸڭ تۋىستارىمەن تاعى دا سوتتاسىپ جاتقانىن مەلٸمدەدٸ. ونىڭ ايتۋىنشا, بۇل جولى ٶزٸنەن 22 ميلليون تەڭگە ٶندٸرٸپ الۋ تالاپ ەتٸلگەن. بۇل – وعان قارسى بەرٸلگەن بەسٸنشٸ تالاپ ارىز, دەپ dalanews.kz تٸلشٸسٸ Ulysmedia.kz باسىلىمىنا سٸلتەمە جاساپ حابارلايدى.
نازىم قاحارمان ەلەۋمەتتٸك جەلٸدەگٸ مەلٸمدەمەسٸندە جاڭا سوت داۋى استاناداعى «حايۆيلل» تۇرعىن ٷي كەشەنٸندە ورنالاسقان كوممەرتسييالىق نىسانعا قاتىستى ەكەنٸن تٷسٸندٸردٸ.
ونىڭ ايتۋىنشا, قۋاندىق بيشٸمباەۆپەن نەكەدە بولعان كەزدە اتالعان نىساندى ٶزٸ باسقارىپ, جالعا الۋشىلاردى تاۋىپ, جالداۋ اقىسىن جيناۋمەن اينالىسقان. اجىراسقاننان كەيٸن نىساندى باسقارۋ باقىتجان بايجانوۆقا ٶتكەن. كەيٸن قاحارمان تاعى ون اي بويى ونى باسقارعانىن ايتادى.
نازىم قاحارماننىڭ سٶزٸنشە, كوممەرتسييالىق نىساندى جالعا بەرۋدەن تٷسكەن قاراجات بالالارىنىڭ قاجەتتٸلٸكتەرٸنە جۇمسالعان. ول اقشانىڭ مەكتەپكە, مەديتسينالىق قىزمەتتەرگە, رەپەتيتورلارعا, دەمالىسقا جەنە بالالاردى كٷتٸپ-باعۋعا كەتكەنٸن جەتكٸزدٸ.
"بارلىق تٷسكەن قاراجات مەكتەپكە, اليمەنتكە, دەنساۋلىققا, دەمالىسقا, دەرٸگەرلەر مەن رەپەتيتورلارعا جۇمسالدى, ياعني مۇنىڭ بەرٸ اليمەنت بويىنشا ٶزارا ەسەپ ايىرىسۋ بولدى. بارلىق شىعىن جازىلىپ, كٶرسەتٸلدٸ. ەكٸنشٸ تاراپ بۇل تۋرالى حاباردار بولدى, بەرٸن بٸلدٸ جەنە كەلٸسٸم بەردٸ", – دەدٸ ول.
قاحارمان بۇل قاراجاتقا قاتىستى بۇرىنعى كٷيەۋٸنٸڭ تۋىستارىمەن كەلٸسٸم بولعانىن العا تارتادى. ونىڭ پٸكٸرٸنشە, بٸرنەشە جىلدان كەيٸن اقشانى قايتارۋدى تالاپ ەتۋ نەگٸزسٸز. الايدا بۇل ۋەجدەر سوتتا قارالىپ جاتقاندىقتان, ولاردىڭ قۇقىقتىق نەگٸزدٸلٸگٸنە تٷپكٸلٸكتٸ باعا بەرٸلگەن جوق.
نازىم قاحارمان جاڭا سوت داۋىنىڭ باستالعان ۋاقىتىنا دا نارازىلىق بٸلدٸردٸ. ونىڭ ايتۋىنشا, ۇلى مانسۇر قازٸرگٸ ۋاقىتتا مەكتەپتٸ اياقتاپ, شەتەلدٸك جوعارى وقۋ ورىندارىنا تٷسۋگە دايىندالىپ جٷر. سوندىقتان ول بالالارىنىڭ ماڭىزدى كەزەڭٸندە تاعى بٸر سوت پروتسەسٸنٸڭ باستالعانىنا قىنجىلعان.
"نەگە بٸر-ەكٸ اي كٷتە المادىڭىزدار? ٷش جىل بويى كٷتتٸڭٸزدەر عوي. ول مەكتەپتٸ بٸتٸرٸپ, ۋنيۆەرسيتەتكە تٷسكەنشە تاعى بٸر جىل كٷتۋگە نە كەدەرگٸ بولدى?" – دەپ سۇرادى قاحارمان بۇرىنعى كٷيەۋٸنٸڭ اتا-اناسىنان.
ەيەلدٸڭ ايتۋىنشا, بالالارعا جاڭا سوت داۋى تۋرالى ولاردىڭ ۋنيۆەرسيتەتتەرگە قۇجات تاپسىرۋ جۇمىستارى اياقتالعاننان كەيٸن عانا ايتىلعان.
نازىم قاحارماننىڭ مەلٸمەتٸنشە, جاڭا تالاپ ارىز بويىنشا العاشقى سوت وتىرىسى 19 قازاندا ٶتكەن. كەلەسٸ وتىرىس 11 قاراشاعا جوسپارلانعان. سوتتا ونىڭ مٷددەسٸن ادۆوكات قورعايدى. سونىمەن قاتار قاحارمان ٶزٸ دە اليمەنت مەسەلەسٸ بويىنشا سوتقا جٷگٸنۋدٸ جوسپارلاپ وتىرعانىن مەلٸمدەدٸ. ونىڭ ايتۋىنشا, اليمەنتكە قاتىستى تالاپ سوماسى بۇرىنعى كٷيەۋٸنٸڭ تۋىستارى سۇراپ وتىرعان قاراجاتتان جوعارى بولۋى مٷمكٸن.
ەسكە سالايىق, 2026 جىلعى قازاندا استانانىڭ مامانداندىرىلعان اۋدانارالىق ەكونوميكالىق سوتى قۋاندىق بيشٸمباەۆتىڭ اناسى الميرا نۇرلىبەكوۆانىڭ نازىم قاحارمانعا قاتىستى باسقا تالابىن ٸشٸنارا قاناعاتتاندىرعان. سول كەزدە نۇرلىبەكوۆا 14 ميلليون تەڭگەدەن استام قاراجات ٶندٸرۋدٸ سۇراعان.
سوت قاحارمانعا تيەسٸلٸ NazKa جەكە كەسٸپكەرلٸگٸنەن 6,6 ميلليون تەڭگەدەن استام قاراجات ٶندٸرۋ تۋرالى شەشٸم شىعارعان. ال 10,6 ميلليون تەڭگەگە قاتىستى ٶزگە تالاپ قاراۋسىز قالدىرىلعان. قازٸرگٸ 22 ميلليون تەڭگەلٸك جاڭا داۋدىڭ نەتيجەسٸ ەزٸرگە بەلگٸسٸز.
ايتا كەتەيٸك, قۋاندىق بيشٸمباەۆ 2024 جىلى سالتانات نٷكەنوۆانى ٶلتٸرگەنٸ جەنە ازاپتاعانى ٷشٸن 24 جىلعا باس بوستاندىعىنان ايىرىلعان بولاتىن.
