قازاقستاندا 956 مىڭعا جۋىق ادام ينتەرنەت-پلاتفورمالار ارقىلى جۇمىس ٸستەيدٸ. الايدا تسيفرلىق سەرۆيستەردەگٸ تەحنيكالىق اقاۋلار ولاردىڭ بٸر مەزەتتە تابىسىنان ايىرىلۋىنا ەكەلۋٸ مٷمكٸن, دەپ حابارلايدى dalanews.kz.
وسىعان بايلانىستى «ەدٸلەت» پارتيياسىنىڭ دەپۋتاتتارى ٷكٸمەتتەن پلاتفورمالىق جۇمىسپەن قامتۋداعى تەۋەكەلدەردٸ باعالاپ, جۇمىسشىلاردىڭ تابىسىن قورعاۋ تەتٸكتەرٸن ەزٸرلەۋدٸ سۇرادى.
«ەدٸلەت» پارتيياسى فراكتسيياسىنىڭ دەپۋتاتتارى گٷلزيرا اتاباەۆا مەن ەلەنا سمىشلياەۆا ەڭبەك جەنە حالىقتى ەلەۋمەتتٸك قورعاۋ مينيسترٸنە دەپۋتاتتىق ساۋال جولدادى.
دەپۋتاتتاردىڭ مەلٸمەتٸنشە, 2026 جىلعى قىركٷيەكتەگٸ جاعداي بويىنشا قازاقستاندا 35 ينتەرنەت-پلاتفورما وپەراتورى ارقىلى قىزمەت كٶرسەتەتٸن 956 مىڭعا جۋىق ورىنداۋشى بولعان. الداعى ۋاقىتتا پلاتفورمالىق ەكونوميكاعا تارتىلعان ازاماتتاردىڭ سانى ودان ەرٸ ارتۋى مٷمكٸن.
الايدا دەپۋتاتتار پلاتفورمالىق جۇمىسپەن قامتۋدىڭ قازٸرگٸ جٷيەسٸندە ازاماتتاردىڭ تابىسىن قورعاۋعا قاتىستى وسال تۇستار بار ەكەنٸن اتاپ ٶتتٸ. بۇعان Yandex Go سەرۆيسٸندەگٸ تەحنيكالىق اقاۋدى مىسالعا كەلتٸردٸ. سالدارىنان تاكسي جٷرگٸزۋشٸلەرٸ مەن كۋرەرلەر ۋاقىتشا تاپسىرىس قابىلداي الماي, تابىس تابۋ مٷمكٸندٸگٸنەن ايىرىلعان. سونىمەن قاتار كەيبٸر ورىنداۋشىلاردىڭ تاپقان اقشاسىن شىعارىپ الۋدا قيىندىقتارعا تاپ بولعانى تۋرالى حابارلامالار تٷسكەن.
دەپۋتاتتاردىڭ پٸكٸرٸنشە, بٸر عانا جەكە تسيفرلىق پلاتفورمانىڭ جۇمىسىنداعى اقاۋ جٷزدەگەن مىڭ ادامنىڭ جۇمىسىنا جەنە كٷندەلٸكتٸ تابىسىنا تٸكەلەي ەسەر ەتۋٸ مٷمكٸن. سوندىقتان مۇنداي جاعدايلارعا دايىندىق پەن ورىنداۋشىلاردىڭ قۇقىعىن قورعاۋ مەسەلەسٸن جٷيەلٸ تٷردە شەشۋ قاجەت.
وسىعان بايلانىستى فراكتسييا ٷكٸمەتكە پلاتفورمالىق جۇمىسپەن قامتۋدىڭ ەڭبەك نارىعىنا تٶندٸرەتٸن تەۋەكەلدەرٸنە كەشەندٸ باعالاۋ جٷرگٸزۋدٸ ۇسىندى.
سونداي-اق دەپۋتاتتار تسيفرلىق پلاتفورمالاردا جاپپاي تەحنيكالىق اقاۋ بولعان جاعدايدا مەملەكەتتٸك ورگاندار مەن وپەراتورلاردىڭ بٸرلەسٸپ ەرەكەت ەتۋ جوسپارىن ەزٸرلەۋدٸ سۇرادى. قۇجاتتا ازاماتتاردى شۇعىل حاباردار ەتۋ, تاپسىرىستارعا قولجەتٸمدٸلٸكتٸ قالپىنا كەلتٸرۋ, تٶلەنبەگەن قاراجاتتى جەدەل ٶتەۋ جەنە زارداپ شەككەن ورىنداۋشىلارعا ەرٸكتٸ ٶتەماقى تٶلەۋ باعدارلامالارىن قاراستىرۋ ۇسىنىلعان.
بۇدان بٶلەك, ۇزاققا سوزىلعان تەحنيكالىق اقاۋلار كەزٸندە پلاتفورمالاردا جۇمىس ٸستەيتٸن ازاماتتاردى قورعاۋدىڭ ناقتى تەتٸكتەرٸن وپەراتورلارمەن بٸرلەسٸپ پىسىقتاۋ قاجەتتٸگٸ ايتىلدى.
دەپۋتاتتار مەملەكەت باسشىسىنىڭ تسيفرلىق جۇمىسپەن قامتۋدى دامىتۋ جٶنٸندەگٸ تاپسىرماسى ازاماتتاردىڭ تەك پلاتفورما ارقىلى تابىس تابۋىنا عانا ەمەس, سول تابىس كٶزٸنٸڭ تۇراقتىلىعىنا دا كەپٸلدٸك بەرەتٸن شەشٸمدەرمەن قاتار جٷرۋگە تيٸس ەكەنٸن اتاپ ٶتتٸ.
