قازاقستان-قىتاي شەكاراسىنداعى «دوستىق» ستانتسيياسىندا كونتەينەرلەر جٷك يەلەرٸنٸڭ كەلٸسٸمٸنسٸز تاريفٸ قىمبات تەرمينالدارعا باعىتتالىپ جاتۋى مٷمكٸن, دەپ حابارلايدى dalanews.kz.
سونىڭ سالدارىنان كەسٸپكەرلەر الدىن الا كەلٸسپەگەن قوسىمشا شىعىنداردى تٶلەۋگە مەجبٷر. «اق جول» فراكتسيياسىنىڭ دەپۋتاتتارى باس پروكۋراتۋرا مەن ٷكٸمەتتەن بۇل جاعدايدى تەكسەرۋدٸ تالاپ ەتتٸ.
دەپۋتات اسىلحان قوجاحمەتوۆتٸڭ ايتۋىنشا, كەسٸپكەرلەر قازاقستان-قىتاي شەكاراسى ارقىلى جٷك تاسىمالداۋ كەزٸندە بٸرنەشە جىلدان بەرٸ كەدەرگٸلەرگە تاپ بولىپ كەلەدٸ. فراكتسييا بۇل مەسەلەنٸ 2021 جىلى كونتەينەرلەردٸڭ جولدا تۇرىپ قالۋىنا بايلانىستى, ال 2025 جىلى ۆاگونداردى جەتكٸزۋدەگٸ قيىندىقتارعا وراي كٶتەرگەن. الايدا دەپۋتاتتاردىڭ سٶزٸنشە, جاعداي جاقسارۋدىڭ ورنىنا كٷردەلەنە تٷسكەن.
كەسٸپكەرلەردٸڭ مەلٸمەتٸنشە, «دوستىق» ستانتسيياسىندا جٷكتەردٸ قايتا تيەۋگە ارنالعان تٶرت تەرمينال بار: «كەدەنترانسسەرۆيس», «ەۆروترانزيتتەرمينال», «دوستىقترانستەرمينال» جەنە «اتاسۋ». جٷك يەلەرٸ الدىن الا بەلگٸلٸ بٸر تەرمينالمەن كەلٸسٸمشارت جاساپ, قىزمەت اقىسىن تٶلەگەنٸنە قاراماستان, قىتايدان كەلەتٸن كونتەينەرلەر ولاردىڭ كەلٸسٸمٸنسٸز باسقا تەرمينالعا, سونىڭ ٸشٸندە «دوستىقترانستەرمينالعا» باعىتتالۋى مٷمكٸن.
ستانتسييا باسشىلىعى مۇنى كونتەينەرلەردٸ تەرمينالدار اراسىندا تەڭدەي بٶلۋ قاجەتتٸگٸمەن تٷسٸندٸرەدٸ. الايدا دەپۋتاتتار مۇنداي شەشٸمنٸڭ ناقتى نەگٸزدەمەسٸ جوق ەكەنٸن العا تارتادى.
«SevenR Logistics» جشس ۇسىنعان دەرەكتەرگە سەيكەس, 2026 جىلعى قازاندا «دوستىق» ستانتسيياسىنداعى شامامەن 3 720 كونتەينەردٸڭ 978-ٸ «كەدەنترانسسەرۆيسكە», 1 069-ى «ەۆروترانزيتتەرمينالعا», 1 534-ٸ «دوستىقترانستەرمينالعا», ال 139-ى «اتاسۋ» تەرمينالىنا تيەسٸلٸ بولعان.
دەپۋتاتتار ەسٸرەسە كونتەينەرلەردٸڭ ستانتسييادان 10 شاقىرىم قاشىقتىقتا ورنالاسقان «دوستىقترانستەرمينالعا» كٶپتەپ باعىتتالۋىنا كٷمەن كەلتٸرەدٸ.
مەسەلەنٸڭ تاعى بٸر قىرى – قىزمەت قۇنى. كەسٸپكەرلەردٸڭ ايتۋىنشا, بالاما تەرمينالداردا بٸر كونتەينەردٸ قايتا تيەۋ تاريفٸ 90 دوللاردان اسپايدى. ال «دوستىقترانستەرمينال» جشس بۇل قىزمەت ٷشٸن 205–235 دوللار الادى. وسىلايشا, جٷك يەسٸنٸڭ كەلٸسٸمٸنسٸز تەرمينال اۋىستىرۋ كەسٸپكەرلەرگە ەدەۋٸر قوسىمشا شىعىن ەكەلۋٸ مٷمكٸن.
«اق جول» فراكتسيياسى مۇنداي تەجٸريبە بەسەكەلەستٸككە كەدەرگٸ كەلتٸرٸپ, جەكەلەگەن وپەراتورلارعا نەگٸزسٸز ارتىقشىلىق بەرۋٸ ىقتيمال دەپ ەسەپتەيدٸ. دەپۋتاتتار بۇل جاعداي قازاقستاننىڭ كٶلٸك-لوگيستيكالىق ەلەۋەتٸن دامىتۋ جٶنٸندەگٸ ستراتەگييالىق مٸندەتتەرگە دە قايشى كەلەتٸنٸن اتاپ ٶتتٸ.
وسىعان بايلانىستى فراكتسييا باس پروكۋراتۋرادان «دوستىق» ستانتسيياسى لاۋازىمدى تۇلعالارىنىڭ كونتەينەرلەردٸ جٷك يەسٸنٸڭ كەلٸسٸمٸنسٸز باسقا تەرمينالعا باعىتتاۋ ەرەكەتتەرٸنٸڭ زاڭدىلىعىن تەكسەرۋدٸ سۇرادى.
سونىمەن قاتار دەپۋتاتتار كونتەينەرلەردٸ تەرمينالدار اراسىندا بٶلۋ تەرتٸبٸن ناقتى بەلگٸلەۋدٸ, تاريفٸ جوعارى تەرمينالداردىڭ قوسىمشا شىعىندارىن جٷك يەلەرٸنە جٷكتەۋدٸڭ زاڭدىلىعىن انىقتاۋدى تالاپ ەتتٸ.
بۇدان بٶلەك, بەسەكەلەستٸكتٸ قورعاۋ جەنە دامىتۋ اگەنتتٸگٸمەن بٸرلەسٸپ, تەرمينالدارعا كونتەينەر بٶلۋدەگٸ اشىقتىقتى قامتاماسىز ەتۋ, ىقتيمال نەگٸزسٸز بەسەكەلەستٸك ارتىقشىلىقتار مەن تاريفتەردٸڭ نەگٸزدٸلٸگٸن تەكسەرۋ ۇسىنىلدى.
