الماتىدا ازاماتتىق نەكەدەگٸ ەيەلٸن اسقان قاتىگەزدٸكپەن ٶلتٸرگەن بۇرىنعى پوليتسييا قىزمەتكەرٸ 15 جىلعا باس بوستاندىعىنان ايىرىلدى, دەپ حابارلايدى dalanews.kz "كريمينالنىي كازاحستان" ارناسىنا سٸلتەپ.
وقيعا بىلتىر مامىردا بولعان. ەر ادام جانجال كەزٸندە بالالاردىڭ كٶزٸنشە ەيەلٸنە پىشاقپەن 39 رەت سوققى جاساعان. كەيٸن ٶزٸنە قول جۇمساماق بولعان, بٸراق امان قالعان.
سوت وتىرىسىندا ايىپتالۋشى نە بولعانىن تەك اۋرۋحانادا ەسٸن جيعاننان كەيٸن تٷسٸنگەنٸن ايتقان. الايدا سوت ونىڭ بۇل ۋەجٸن قابىلدامادى.
بۇرىنعى پوليتسييا قىزمەتكەرٸ ازاماتتىق نەكەدەگٸ ەيەلٸن اسقان قاتىگەزدٸكپەن ٶلتٸرگەنٸ ٷشٸن كٸنەلٸ دەپ تانىلىپ, 15 جىلعا باس بوستاندىعىنان ايىرىلدى. ول جازاسىن قاۋٸپسٸزدٸگٸ ورتاشا مەكەمەدە ٶتەيدٸ.
سونىمەن قاتار, سوتتالعان ادام مارقۇمنىڭ وتباسىنا مورالدىق زييان ٷشٸن 10 ميلليون تەڭگە ٶتەماقى تٶلەۋگە مٸندەتتەلدٸ. ەرلٸ-زايىپتىنىڭ ارتىندا ٷش بالا قالدى.
