Búgingi zamanda damyǵan el azamattyq aviatsiiasyn órkendetýge erekshe mán beredi. Elimiz ekonomikalyq turǵydan jan-jaqty damyǵaly beri azamattyq aviatsiia salasyna erekshe mán berip keledi. Sońǵy ýaqyttary Qazaqstan óz jerimizde azamattyq aviatsiia mamandaryn daiarlaý isine erekshe kóńil bólip otyr.
– Búginde bizdiń akademiia jańa oqý ushaqtary men sapaly nusqaýshy quramy, qazirgi zamanǵa sai zamanaýi trenajer, halyqaralyq standart boiynsha ushqyshtardy daiyndaityn jańa oqý ortalyǵynyń tusaýyn kesip otyr. Memleket basshysy Nursultan Nazarbaev 100 naqty qadamda 5 institýtsionaldy reformanyń oryndalýy úshin básekege qabiletti mamandardy daiyndaýdy jetildirý qajettiligin, ushý qaýipsizdigi men áýetasymaldaýdy memlekettik retteý tiimdiligin jaqsartýdy erekshe atap ótken edi. Búgin biz sol alǵa qoiǵan maqsatty oryndadyq. Endi bizder otandyq azamattyq aviatsiia salasyna qajetti bilikti mamandardyń basym bóligin óz jerimizde daiarlap, salanyń órkendeýine óz úlesimizdi qosatyn bolamyz, – degen edi.
Elimizde aviatsiia mamandaryn daiarlaityn jalǵyz oqý orny Azamattyq aviatsiia akademiiasynyń túlekteri 10 italiialyq ushaǵy men 2 zamanaýi Airbus jáne Boeing trenajerlerine ie bolǵany belgili. Boraldai aerodromynda akademiianyń 10 italiialyq Tecnam markaly oqý-jattyǵý ushaqtaryn jas ushaqtar taqymdaryna basyp, kók aspanda ushyp úirenetin múmkindikke ie boldy. Bul óz kezeginde akademiianyń Eýropa elderindegi joǵary bilikti ushqyshtar daiarlaýyna keńinen jol ashatyny sózsiz. Sonymen qatar jańa trenajerler bolashaq ushqyshtarǵa jer men áýedegi túrli jaǵdailarda qalai durys áreket etý kerektigin úirenýge kómegin tigizbek.
Osylaisha akademiia qazaq jastaryna zor múmkindik ashyp otyr.
Endigi jerde ushqysh bolýdy bala kezinen armandaǵan jastarymyz akademiiaǵa oqýǵa túsip, armandaryn shynaiy ómirde ushtaýǵa múmkindik alyp otyrǵanyn aitqymyz keledi. Sondyqtan balasynyń bilikti maman bolýyn qalaǵan kez kelgen ata-ana Almatydaǵy Azamattyq aviatsiia akademiiasyn tańdap, balasynyń bolashyǵyn mándi de, maǵynaly qylýǵa múmkindik týyp tur.
– Trenajerge otyrǵan kezde ushaqta qandai qimyl-qozǵalys bolatynyn tolyqtai sezinýge bolady. Kóterilgeni, quldilaǵany, burylǵanyn – bárin shynaiy ómirdegidei bastan keshesiz. Qalai ushtyń, qaida buryldyń, qandai jyldamdyqta júrdiń, biiktigiń qansha – osynyń bárin karta eseptep beredi. Sol boiynsha qandai qatelik ketti, sony túzeýge qaitadan múmkindigi bolady, – dep jańa trenajerdiń múmkindigin aityp berdi.
Qazirgi tańda atalmysh oqý ornynan túlep ushqan talai túlekter, elimizdi aitpaǵan kúnde, dúniejúziniń birqatar elderinde áýe kemelerin tizgindep, kók aspanda samǵap júr. Jerimiz keń bolǵan saiyn áýe salasyn damytýdyń qanshalyqty mańyzy zor ekenin túsinýge bolady. Keń baitaq elimiz shaǵyn aviatsiiany damytýǵa suranyp tur.
Búginde Azamattyq aviatsiia akademiiasynyń bazasynda áýe salasyna qajetti tehnikalyq mamandardy daiarlap, olarǵa arnaiy sertifikat berýge de kúsh salýda. Sonymen qatar akademiia tikushaqty tizgindeitin mamandardy daiarlaýdy qolǵa alǵanyn atap aitýymyz kerek. Áýe kemelerine qyzmet kórsetetin bilikti tehnik mamandardy osy kieli qara shańyraqtan túlep, ushyp shyǵýda. Sondyqtan akademiia otandyq aviatsiianyń ósip-órkendeýine ólsheýsiz úles qosyp jatyr dep nyq senimmen aitýǵa bolady.
N.ÁÝBÁKIR.
