"Nadejda Savchenko Ýkraına sımvolyna aınaldy", – dep málimdedi Ýkraına prezıdenti Petr Poroshenko sársenbi kúni Kıev rezıdensıasynda ýkraınalyq áskerı qyzmetkerdiń bosatylyp, eline qaıtarylǵannan keıingi sóılegen sózinde.
Poroshenko Batys elderine Savchenkony bosatýǵa kómekteskeni úshin alǵysyn jetkizip, Ýkraına "Nadejdany qaıtaryp alǵan sekildi, Donbass pen Qyrymdy da qaıtarady" dep málimdedi.
Poroshenkomen birge kópshilik aldyna shyqqan Nadejda Savchenko azamattardy Reseıden qoryqpaı, tize búkpeı, quqyqtary úshin kúresýge shaqyrdy.
Savchenko Kıevke sársenbi kúni Reseı prezıdenti Vladımır Pýtın oǵan raqymshylyq jarıalaǵannan keıin, Ýkraına prezıdentiniń ushaǵymen keldi. Pýtınniń ózi aıtqandaı, reseılik eki jýrnalıs Igor Kornelúk pen Anton Voloshınniń ólimi úshin aıyptalǵan Savchenkoǵa keshirim jasaýdy qaza tapqandardyń ata-analary suraǵan.
Dál sol kúni Ýkraına prezıdenti Reseı azamattary Evgenıı Erofeev pen Aleksandr Aleksandrovqa raqymshylyq jarıalady. Ýkraına soty olardy terorızmge qatysy bar dep sottaǵan. Ekeýi de Máskeýge oraldy. Pýtınniń baspasóz hatshysy Peskovtyń sózinshe, olardyń prezıdentpen kezdesýi kún tártibinde qarastyrylmaǵan.
