«Múftı mundaı ǵurypty aýrýdan tazarý úshin de ótkizgenin aıtty. Ol duǵa oqyp, halyqqa densaýlyq pen birlik, memleketke beıbitshilik tiledi» delingen Qyrǵyzstan musylmandary dinı basqarmasynyń habarlamasynda.
Meshitte eki sıyr qurban etilip, onyń eti kedeılerge taratyldy. Qurbandyq shalý rásimine múftı, aqsaqaldar men jergilikti turǵyndar qatysty. Basqarmanyń habarlaýynsha, mundaı ǵuryp eldiń basqa da óńirlerinde jasalady.
Bul ýaqytta Dýshanbede 4 naýryzdan bastap namaz oqıtyn oryndar karantınge jabyldy. Mundaı sheshimge koronavırýs epıdemıasy sebep boldy.
Al 27 aqpannan bastap Mekke men Mádına qalalaryna qajylyqqa barý ýaqytsha toqtady.
Álemde COVID-19 koronavırýsyn juqtyrǵandar sany ósip, dúısenbi kúni 109 045 adamǵa jetti. Bul týraly South China Morning Post gazeti habarlady.
