Qoǵam belsendisi óziniń áleýmettik jelidegi jazbasynda bylai deidi:
– Keshe túnde (18 aqpan kúni) saǵat 11:15-te belgisiz nomermen bireý maǵan habarlasty. «Qolymyzda saǵan bailanysty kompromat bar. Oilan, otbasyń, áieliń, balalaryń bar» degendei úrkite sóiledi. Sondai-aq, áielimede sol kezde belgisiz nomerden osy taqyltes habarlama keldi.
Sońǵy kezde bir ańǵarǵanym, belgisiz bireýler sońyma túsip, ne istep, ne qoiyp júrgenimdi esepke alyp júrgen sekildi.
Bul ne sonda? Qorqytý ma, úrkitý me? Kimge bóget boldym, kimniń jolyn kestim? Túsinbedim.
Men bilikke qarsy búlik uiymdastyryp júrgen adam emespin.
Iá, men qoǵam belsendisimin. Tabiǵat janashyrymyn. Elimizdiń ekologiialyq aýhaly men tolǵandyrady.
Sol úshin Jasyldar partiiasyn qurǵym kelip júrgeni ras. Sondai-aq qoǵamda oryn alyp jatqan ádiletsizdikke kóz jumyp qarai almaimyn. Soǵan bailanysty oiymdy ashyq túrde ár jerde aityp júrmin.
Ótkendegi Qordaidaǵy dúrbeleńge arnaiy bardym. Kórdim. Oqiǵanyń neden bolǵanyna kóz jetkizýge tyrystym. Oiymdy áleýmettik jelige jazdym. Bálkim osy tirligim, ózgede máseleler boiynsha aitqandarym bireýlerge unamaýy múmkin. Bul solardyń árketi bolar degen oidamyn.
Men belgisiz bireýlerdiń otbasymnyń tynyshtyǵyn buzyp, arandatýshylyq jasaýyna qarsymyn. Men elimniń patriotymyn, arym taza adammyn. Mundai jasyryn túrde qoqan-loqy jasaýǵa, qorqytyp-úrkitýge tózbeimin. Kimde bolsa, ashyq aldyma kelip, ne kózdegeni baryn aitqany jón. Al, olai bolmasa, áńgime basqa bolady. Eshkimniń otbasymda haqysy bolýy tiis emes, – dep «Baitaq-Bolashaq» ekologiialyq aliansynyń tóraǵasy óziniń paraqshasynda jazba qaldyrypty.
[caption id="attachment_50567" align="aligncenter" width="578"]
