Kiev Reseidiń mádeni keńistiginen birjolata shyǵyp ketti.
Buǵan deiin Ýkraina biligi telearnalardyń Resei filmderin kórsetýge úzildi-kesildi tyiym salǵany esimizde. Biraq Reseige tumsyǵyn sozyp, jel qarmaityn keibir telearnalar eski "ádetine" basyp, jańa jyl kezinde "Ironiia sýdby" filmin kórsetip, bastary daýǵa qaldy.
Biliktiń telearanalarǵa bailanysty ustanǵan bul saiasaty durys pa? Bizdińshe, durys. Iá, "Ironiia sýdby" filminde Pýtin saiasatyn nasihattaityn eshqandai epizodtar joq.
Biraq bul – film keńestik zamandaǵy mádeniet pen qundylyqtardy nasihattaityn, ýkraindyqtarǵa kezinde keńestiń júieniń bir pushpaǵy bolǵanyn eske salatyn týyndy emes pe?
Oilańyzshy, orystardan biraz zábir kórgen Polsha biligi dál osy film óte keremet óner týyndysy bolsa da, efirine jiberer me edi? Poliaktarda bul filmdi múlde kórsetpeidi.
Mine, Ýkraina (biz de) Resei yqpalynan arylý úshin onyń jaqsy, jaman dúniesinen tolyqtai arylýy kerek.
Osyǵan deiin Resei men Ýkrainanyń shoý-biznesi tonnyń ishki baýyndai aralasyp keldi. Ýkrainanyń áigili ánshisi Sofiia Rotarý ózin Alla Pýgachevanyń basty básekelesi sanasa, rok baǵytynda án aitatyn «Okean Elzy» toby óziniń júrek tebirenter ánderin orys tilinde shyrqap keledi.
Al «Verka Serdiýchka» bolyp Reseidegi myńdaǵan kórermenderdiń júregine jol tapqan, Andrei Danilko bylaiǵy jurt orystardyń ártisi dep tanityny belgili.
Qazaqta orysqa qarsy immýnitet qalyptasty
Al Qazaqstanda munyń biri de joq. Keńes zamanynyń ózinde orystar qazaqtardy kemsitip, tóbeden túigishtep otyrdy. Mine, sonyń paidasyn búgin kóretin múmkindik týyp keledi.
Orystardyń Qazaqstanda mádeni ahýaldyń qai baǵytta damyp jatqanyn bilmeýi, Kremldiń bizge baǵyttaǵan ideologiiasymen tiimdi kúresetin múmkindikke ie bolyp, immýnitet qalyptasyp keledi.
Bireýler «Qairat Nurtastyń Niýshamen qosylyp án aityp, orys mádenietiniń shashbaýyn kóterdi» dep aityp júrgenin bilemiz. Bul jerde qaita Qairat Niýshany paidalanyp, elimizdegi orys tildi qaýymnyń nazaryn ózine aýdarýǵa (qazaq shoý-biznesine) tyrysqanyn baiqaýǵa bolady.
Osylaisha bizdiń Reseimen aradaǵy mádeni bailanysymyz kún ótken saiyn kómeski tartyp keledi.
Qandasymyz Arman Davletiarovtyń Astanada «MÝZ-TV» baiqaýyn uiymdastyrýy qazaqtildi aýditoriianyń qoldaýyna ie bolǵan joq.
Sol kezde Sáken Maiǵazievtiń: "Buǵan, biz barmaimyz! Premiiasy ózine, ol qazaqtyń «MýzART»-qa degen mahabbatynan biik emes. Qazaqtyń mádenietin, halyqtyq mýzykasyn, dástúrli ánin dáripteý, mine, bizge osy abyroi!», – dep kesip aitqanynan orystyń shoý-biznesi qazaq topyraǵynda órken jaiý múmkindiginen tolyqtai aiyrylǵanyn baiqaýǵa bolady.
Reseidiń áigili baiqaýy «MýzART-ty» qyzyqtyrmasa, irgedegi kórshimizdiń mádeni ekspansiiasy árqashan sátsizdikke ushyraitynyn baǵamdaýǵa bolady.
Búgingi qazaq qoǵamy úshin Tóreshtiń ainalasynda bolyp jatqan oqiǵalar qyzyqty.
Sondyqtan Tóreǵalidyń árbir áni, árbir PR qadamy bizdi Reseiden alystatyp, onyń mádeni ekspansiiasynan qorǵaitynyn eshqashan esten shyǵarmaýymyz kerek.
Búgingi bizdiń shoý-biznesimiz (onyń sapasy jaiynda sóz basqa), toishyl qaýymymyz orys mádenietinen bizdi kún ótken saiyn alystatýda. Qazir keibir orystardyń ózderi dombyra shertip, qazaq tilinde popýrii aityp, qazaqylanyp jatqanyn bárimiz bilemiz. Sondyqtan qazaq shoý-biznesiniń qazanyn qainatyp júrgen Tóresh bastaǵan ánshilerimizge alǵys aitýymyz kerek.
https://dalanews.kz/del-qazir/81104-zhemqorlardyng-kapitaly-igi-maqsatqa-zh
