«ءمۇفتي مۇنداي عۇرىپتى اۋرۋدان تازارۋ ءۇشىن دە وتكىزگەنىن ايتتى. ول دۇعا وقىپ، حالىققا دەنساۋلىق پەن بىرلىك، مەملەكەتكە بەيبىتشىلىك تىلەدى» دەلىنگەن قىرعىزستان مۇسىلماندارى ءدىني باسقارماسىنىڭ حابارلاماسىندا.
مەشىتتە ەكى سيىر قۇربان ەتىلىپ، ونىڭ ەتى كەدەيلەرگە تاراتىلدى. قۇرباندىق شالۋ راسىمىنە ءمۇفتي، اقساقالدار مەن جەرگىلىكتى تۇرعىندار قاتىستى. باسقارمانىڭ حابارلاۋىنشا، مۇنداي عۇرىپ ەلدىڭ باسقا دا وڭىرلەرىندە جاسالادى.
بۇل ۋاقىتتا دۋشانبەدە 4 ناۋرىزدان باستاپ ناماز وقيتىن ورىندار كارانتينگە جابىلدى. مۇنداي شەشىمگە كوروناۆيرۋس ەپيدەمياسى سەبەپ بولدى.
ال 27 اقپاننان باستاپ مەككە مەن ءمادينا قالالارىنا قاجىلىققا بارۋ ۋاقىتشا توقتادى.
الەمدە COVID-19 كوروناۆيرۋسىن جۇقتىرعاندار سانى ءوسىپ، دۇيسەنبى كۇنى 109 045 ادامعا جەتتى. بۇل تۋرالى South China Morning Post گازەتى حابارلادى.
